અનમોલ મોતી
( ૧ ) ઉચ્ચ નૈતિક ગુણો
હઝરત અનસ બિન માલિક રઝિ . કહે છે કે ‘ મુહમ્મદ સલ્લલ્લાહુ અલયહિ વ સલ્લમ ’ નૈતિકતાની દૃષ્ટિએ લોકોમાં સર્વશ્રેષ્ઠ હતાં .
( મુસ્લિમ )
( ૨ ) શરમ - હયાનો જીવંત નમૂનો
હઝરત અબૂસઈદ ખુદરી રઝિ . ફરમાવે છે કે મુહમ્મદ સલ્લલ્લાહુ અલયહિ વ સલ્લમ પર્દાનશીન કુંવારી છોકરી કરતાં પણ વધુ શરમહયાવાળાં હતાં . *( બુખારી )*
( ૩ ) ઉદાર વર્તન
હઝરત અનસ રિઝ . ફરમાવે છે કે મેં દશ વરસ સુધી મુહમ્મદ સલ્લલ્લાહુ અલયહિ વ સલ્લમની સેવા કરી . આ સલ્લલ્લાહુ અલયહિ વ સલ્લમએ ક્યારેય મને ઉહ સુદ્ધાં ન કહ્યું અને ન તો કોઈ કામ માટે એમ ફરમાવ્યું કે આ શા માટે કર્યું , અને કોઈ કામ ન કરવા બદલ એમ પણ ન ફરમાવ્યું કે આ કેમ નથી કહ્યું .
( તિરમિઝી )
( ૪ ) વિશાળહૃદયતા
હઝરત જાબિર રિઝ . ફરમાવે છે કે એવું ક્યારેય નથી બન્યું કે મુહમ્મદ સલ્લલ્લાહુ અલયહિ વ સલ્લમ પાસે કોઈ વસ્તુ માંગવામાં આવી હોય અને મુહમ્મદ સલ્લલ્લાહુ અલયહિ વ સલ્લમએ આપવાની ના પાડી હોય .
( બુખારી )
( ૫ ) વિશાળહૃદયતા
હઝરત અબૂહુરૈરહ રિઝ . ફરમાવે છે કે મુહમ્મદ સલ્લલ્લાહુ અલયહિ વ સલ્લમએ ફરમાવ્યું ઃ જો મારી પાસે ઉહુદ ( પર્વત ) જેટલું સોનું હોય તો પણ હું આ પસંદ નહીં કરૂં કે ત્રણ રાત એ હાલાતમાં વીતી જાય કે મારી પાસે એમાંથી થોડું બચેલું રહે એ સિવાય કે જે હું કરજ ચુકવવા માટે રાખી મૂકું .
( બુખારી )
( ૬ ) અલ્લાહની રાહમાં ખર્ચ અને સખાવત
હઝરત ઈબ્ને અબ્બાસ રઝિ . ફરમાવે છે કે : મુહમ્મદ સલ્લલ્લાહુ અલયહિ વ સલ્લમ સૌથી વધુ સુખ હતાં અને મુહમ્મદ સલ્લલ્લાહુ અલયહિ વ સલ્લમની સખાવત રમઝાનમાં ઓર વધારે રહેતી . જ્યારે જિબ્રુઈલ અલયહિસ્સલામ મુહમ્મદ સલ્લલ્લાહુ અલયહિ વ સલ્લમ સાથે મુલાકાત કરતાં . જિબ્રઈલ અલયહિસ્સલામ રમજાનની દરેક રાતે મુહમ્મદ સલ્લલ્લાહુ અલયહિ વ સલ્લમ સાથે મુલાકાત કરતાં અને કુરઆન સાથે મળીને પઢતાં . આ દિવસોમાં મુહમ્મદ સલ્લલ્લાહુ અલયહિ વ સલ્લમની સખાવત , ઝડપી પવન કરતાં પણ વધુ ઝડપી બની જતી હતી .
( બુખારી )
( ૭ ) અલ્લાહની રાહમાં ખર્ચ અને સખાવત
હઝરત અબૂહુરૈરહ રઝિ.ની રિવાયત છે કે , મુહમ્મદ સલ્લલ્લાહુ અલયહિ વ સલ્લમએ ફરમાવ્યું : સદકો માલ ( ધન ) ને ઘટાડતો નથી અને જે બંદો દરગુજર કરે છે . અલ્લાહતઆલા તેની ઈજ્જતમાં વધારો કરે છે અને જે માણસ અલ્લાહ વાસ્તે નમ્રતા અપનાવે છે . અલ્લાહતઆલા તેને બુલંદી એનાયત કરે છે .
( મુસ્લિમ )