NAZAR KI JUHET TABDEEL KERNY KA HUKAM

NAZAR KI JUHET TABDEEL KERNY KA HUKAM
Question :
Aik shakhs ny makhsos maqasid k liye nazar mani, phir is ny dosry maqasid ko ziadah mufeed samjha to kia is sorat mai nazar ki juhet tabdeel kerna jaiz hai?
Answer :
Mazkora sawal ka jawab dainy sy qabal chend tamheedi baten zarori hain:
Pehli baat to yh hai k insan ko nazar nahi manni chaheye Qk nazar manana makrooh hai ya haram.
Nabi (S.A.W) ny is sy mana farmaya hai. App (S.A.W) ka irshad hai k:

"nazar kher nahi laati is ki wajah sy sirf bukheel sy kuch nikala jata hai."
sahi albukhari' hadis: 6608' wa sahi muslim' hadis: 1639.
log jis maqsad ko nazar ki wajah sy hasil kerna chahty hain haqeqatan is ka sabab nazar nahi hoti. aksar log aisy hain k bimaar huny per kisi kaam k kerny ki nazar manty hain, kisi gum shudah cheez k milny ki sorat mai kuch aur kerny ki nazar manty hain. ab agar issy shifa hasil hujaye ya gum shudah cheez wapis mil jaye to is ka yh matlab nahi k yh sab kuch nazar ki wajah sy huwa, lehaza app nazar many bagair Allah TA'ala sy shifa aur gum shudah cheez k mil jany ki dua karen, nazar manny ki koi zarorat nahi hoti. amoman youn hota hai k nazar manny walu Hazraat agar in ki murad ber aye to eefaye nazar mai susti-o-kahli ka muzahira kerty hain. jab k aksar oqaat issy chor hi daity hain jo k intehai khaternaak cheez hai. Allah Ta'ala ka irshad hai:

"Aur in mai sy woh bhi hain jinhuny Allah sy aihed kia tha k agar woh apny fazal sy hamain maal ata farma dey to hum khub sadqa karen gey aur naiku karo mai hujayen gey, phir jab Allah TA'ala ny in ko apny fazal sy dey dia to is mai bukheeli aur rogardani kerny lagy is haal mai k woh mou phery huway thy, chanachey Allah Ta'ala ny inko saza yh di k in k dilon mai us roz tak k liye nifaq paida ker dia k jis din woh Allah k pass hazir houngey, is wajah sy k inhuny Allah sy jo wadah kia tha is k khilaaf kia aur is liye k woh jhoot bolty rahy."
At'touba 9:75-77.
Es bina per momin ko nazar manni hi nahi chaheye. abb hum app k sawal k jawab ki tarf aaty hain. jab insan kisi qasam ki nazar maan ley aur phir yh samjhy k is nazar ki elawah koi aur cheez is sy afzal aur aqrab illallah aur logo k liye ziada mufeed hai to is sorat mai juhet tabdeel kerny mai koi harj nahi. is ki daleel yh hai k aik shakhs RAsool Allah (S.A.W) ki khidmat mai hazir hu ker arz kerny laga: "mai ny nazar mani thi k agar Allah Ta'ala ny app k liye makkah fataah ker dia to mai bait-ul-Muqaddas mai namaz ada karonga. is per app (S.A.W) ny bhi wahi jawab dia. is ny phir wohi baat kahi to is per app (S.A.W) ny farmaya: phir jaisy teri marzi hai ker ley.
sanan abi daud' hadis: 3305' was'sanan alkubra lilbehqee:1/ 82' wa masna ahmed:3/363.
is sy maloom juwa k insan adna derjy ki nazar ko agar a'ala (afzal) derjey ki nazar sy badal ley to yh jaiz hai.
Shaikh Mohammad bin Saleh Usaimin

NAZAR KI IQSAAM AUR INKA SHARAI HUKAM

NAZAR KI IQSAAM AUR INKA SHARAI HUKAM

Question :
Nazar ka sharai hukam kia hai? aur kia yh nazar puri na kerny per koi saza bhi hai?
Answer :
Maali nazar ka sharai hukam yh hai k woh makrooh (na pasandeedah) hai. NAbi (S.A.W) ny is sy mana farmaya hai.
App (S.A.W) ny farmaya:

"nazar taqdeer ko zarra bhar bhi pher nahi sakti, iski wajah sy sirf bukheel admi sy kuch nikala jata hai."
sahi albukhari' hadis: 6608' wa sahi muslim' hadis:1639.
Yh is liye k baaz log bimaar huny ya koi nuqsaaan uthany ya kisi bhi tarhan ki koi takleef aany per sadqa kerny, koi janwar zeebah kerny ya maal taqseem kerny ki nazar manty hain, iska aiteqadya hota hai k Allah Ta'ala nazar many bagair na to inhain shifa deyfa aur na nuqsaan pura keryga. to is bina per Nabi (S.A.W) ny farmaya hai k Allah TA'ala nazar man'ny sy apni qaza-o-qadar ko tabdeel nahi kerta, haan woh bandah bukheel hai, nazar many bagair kuch na kery.
Agar kisi ebadat ki nazar mani, MAslan: nafil namaz parhny, rozaey rakhny, sadqa kerny ya aitekaaf bethny ki nazar mani to isko pura kerna wajb hai. lekin agar is ny qatal, zina, sharab noshi ya chori daketi wagaira ki nazar mani jo ma'asiyet sy ebarat hu to issy pura kerna najaiz hai. es per kufara qasam daian, yani 10 masakeen ko khana khilana (ya inhain libaas daina ya aik gulam azaad kerna, agar in cheezon ki estetat na hu to phir 3 din rozay rakhna) wajib hai. agar nazar mubah hu, MAslan: khana, peena, libaas, safar ya aam si guftagu to nazar manny waly ko ikhteyar hai chahey to nazar puri kery aur chahey to qasam ka kufara ada kery. aur agar kisi ny etat Elahi mia masakeen aur gurba'a mai kuch taqseem kerny ki nazar mani, MAslan: inhain khana khilana, in mai taqseem kerny k liye koi janwar zeebah kerna wagaira to aisi nazar puri kerty huway masakeen aur gurba per nazar k mutabiq taqseem kerna lazim hai. agar woh nazar kisi khas cheez sy makhsos ker dey, MAslan: masajid, kitabain ya deeni mansoba jaat wagaiara k sath to woh muaiyan kerdah juhton k sath hi makhsos hogi aur deegar cheezon mai issy surf kerna darust nahi hoga.
Shaikh ibn Jibreen

NAZAR PURI KERNY MAI KUTAHI KERNA

NAZAR PURI KERNY MAI KUTAHI KERNA

Question :
Aik orat apny bachu samait bimaar hugae, iska aik bacha mar gaya, jab k woh khud haspatal mai zindagi aur mout ki kashmakash mai mubtala thi aur issy ghar mai majod bachu k bary mai maloom na tha k woh zindah hain ya mar gaye hain, is halat mai is ny nazar mani k agar mai tandrusti paa ker bachu sy mil jaoun to aik ountni zeebah karongi aur khud is mai sy kuch nahi khaongi, is k sath aik maah k rozey bhi rakhougi. baad aza es ny ontani zeebah ki aur aik maah k rozey bhi rakhy lekin ontani ka gosht kha lia ab sawal yh hai k ayaa issy zeebah shudah ontani kagi hogi ya is ki jagah aik aur ontani zeebah kerna hogi?
Answer :
Jab is ny ontani zeebah kerny ki nazar lawajjah Allah Sadqa kerny k liye mani aur naza-e-etat huny ki wajah sy iska pura kerna bhi wajib tha to is sorat mai is per tamam ki tamam ontani ko Liwajjah Allah taqseem kerna wajib tha. orat ny jo yh bataya hai k is ny khud bhi ontani sy kuch gosht kha lia to is per dobara ontani zeebah kerna to wajib nahi, haan itni miqdaar mia gosht khareed ker masakeen mai taqseem kerna lazim hai. In Sha Allah is tarha woh nazar sy bari-uz-zama hujayegi.
Shaikh ibn Jibreen

NAZAR KO MUAKHAR KER K PURA KERNA

NAZAR KO MUAKHAR KER K PURA KERNA

Question :
Aik admi, Maslan: yh kehta hai k woh shifayaab huny per 5 rozey rakheyga, phir issy shifa hu gi, abb woh nazar puri kerny mai takheeri herbay ikhteyar kerta hai, hallankey nazar sy mutalqa tamam sharait bhi puri hu chuki hain to aisy shakhs k bary mai sharai hukam kia hai? yh baat qabil-e-ziker hai k is ny rozey rakhny kliye din mutaeen nahi kiye thy? kia es per 5 din k musalsal rozey rakhna wajib hai? aur kia takheer ki wajah sy is per koi kufara wajib hai? wazeh rahy k woh shakhs es nazar ka inkaar nahi kerna chaht.
Answer :
Nazar-e-etat, maslan: Roza, Sadqa, AItekaaf, hajj ta tilawat Quran wagaira ka pura kerna wajib hai. agar nazar mashrot hai jis tarhan k bimari sy shifayabi ya safar sy wapsi wagaira k sath to es mai nazar jaldi puri kerna wajib hai. aur agar koi issy muakher ker k pura ker dey to is per rakheer ka koi gunaah nahi hoga. agar woh nazar puri kiye bagair mar gaya to is k wirsa is ki nazar puri ker den. waisy nazar ko jaldi aur fouri pura kerna zarori hai ta k musalman wajibaat ki adaigi sy sarkharu husakyn.
Shiekh ibn Jibreen

ORAT NY ROZON KI NAZAR MANI, PHIR IS PER AMAL NA KER SAKI

ORAT NY ROZON KI NAZAR MANI, PHIR IS PER AMAL NA KER SAKI

Question :
Aik orat ny nazar mani k agar iska hamal mehfoz raha aur bacha sahi salim paida huwa to woh aik saal k rozey rakhy gi aur waqaitan is ka hamal puri muddat tak salim raha aur is ny sahi salim bachy ko janam dia, phir issy maloom huwa k woh rozey rakhny ki taqat nahi rakhti. abb issy kia kerna chaheye?
Answer :
Yh baat to shak-oshubaah sy balater hai k nazar aik ebadat hai aur Allah Rab-ul-Ezzat ny nazar puri kerny walo ki mudah farmai hai. Allah Ta'ala ka Irshad hai:

"woh log nazar ko pura kerty hain aur us din sy darty rehty hain jis ki sakhti aam hogi."
Ad'duher 76:7.
Aur Nabi (S.A.W) ka farman hai:

"Jis shakhs ny Allah Ta'ala ki etat ki nazar mani to woh is ki etat kery aur jis ny uski nafarmani ki ki nazar mani woh iski nafarmani na kery."
sahi albukhari' hadis: 6700' wa sanan abi daud' hadis: 3289.
Aik shakhs ny bawana nami jagah per ount zeebah kerny ki nazar mani, woh Rasol Allah (S.A.W) ki khidmat mai hazir huwa to app (S.A.W) ny deryaft farmaya: " kia wahan jahliyat k battu mai sy koi aisa but hai jis ki pursatish ki jati hu?" arz kia gaya: nahi, phir App (S.A.W) ny deryaft farmaya: " kia wahan jahliyet ko koi meela lagta hai?" jawab mai kaha gaya: nahi, es per App (S.A.W) ny farmaya:

"Apni nazar puri ker, beshak Allah ki nafarmani per mushtamil nazar qatan puri nahi kerni chaheye aur na is chez ki nazar puri ki jayegi jis ka insan malik hi nahi."
sanan abi daud' hadis: 3313' wasanan alkubra lilbehqee:10/ 83.
saila ny bataya hai k is ny saal bhar k rozey rakhny ki nazar mani thi, jab k aik saal k musalsal rozey rakhna zindagi bhar k rozey rakhny k mutradif hai, jo k makrooh hai. Qk Nabi (S.A.W) ny farmaya hai:

"Jis ny zindagi bhar roza rakha to is ny roza rakha na iftar kia."
Masnad ahmed:4/25 wa sahi albukhari' hadis:1977' wa sahi muslim' hadis:2734.
Aur is baat mai koi shakh nahi k makrooh ebadat Allah Ta'ala ki ma'asiye hai, Lehaza aisi nazar puri nahi kerni chaheye. shiekh-ul-islam ebn temiya Reham ul Allah farmaty hain:

"balky agar kisi ny makrooh ebadat ki nazar mani, Maslan: yh k woh hamesha raat bhar qayam keryga aur hamesha din ka roza rakhyga ro aisi nazar ka pura kerna wajib nahi."
fatawa ebn temiya:13/ 148.
es aitbar sy saila per qasam ka kufara wajib hai,
qasam aur nazar ka kufara aik hi hai jaisa k Rasool Allah (S.A.W) ny irshad farmaya hai:

"Nazar ka kufara, qasam ka kufara hai."
Sahih Muslim' Hadis:1645.
jis ki miqdar 10 miskeeno ko khana khilana hai. her miskeen ko shaiher ki galib khurak, Maslan: khajor, chawal wagaira sy nisf sa'a (taqreeban aik kilo 50 garam) daina hoga. (ya inhain libass daina hoga ya aik gulam azaad kerna hai) agar is ki taqat na ho to musalsal 3 rozay rakhny houn gey.
Dar-ul-ifta