TASVIR KA HUKAM

                       بسم اللہ الرحمن الرحیم
TASVIR KA HUKAM

Question :
tasveer ka kya hukam hai? is k muta'aliq kon kon si ahadis warid hain? naiz kia saya daar aur gair sayadaar tasviron mai koi farak hai?
Answer :
mutaharik bil iradah ashia, maslan: insaan,janwar,parindah wagaira ki sorat gari ka naam tasveer hai.aur tasweer ka hukam yh hai k wo sharaan haram hai.is k muta'aliq kai aik ahadis warid hain jin mai sy chand aik yh hain:
(Alif) Abdul Allah bin masood R.A. sy rawayat hai k Rasool Allah (S.A.W) ny farmaya:

"qayamat k din sab logo sy sakht azaab tasveerain banany walun ko hoga."
sahi albukhari'hadis:5050, wa sahi muslim'hadis: 2109'wa lafaz laho.
(Be) Abdul Allah bin umer R.A. sy rawayat hai k Rasool Allah (S.A.W) ny farmaya:

"yaqinan taswerain banany walo ko qayamat k din azaab dia jayega.Inhe kaha jayega: jo chezain tum ny banai thin inhain zindaah karo."
sahi albukhari'hadis:5051, wa sahi muslim'hadis: 2108
(Jeem) Hazrat Ebn-e-Abbas R.A. ny RAsool Allah (S.A.W) ko farmaty huway suna:

"jis shakhs ny dunia mai koi tasweeer banai issy qayamat k rooz is tasweer mai rooh phonkany ka hukam dia jayega magar wo aisa nahi ker sakega"
sahi albukhari'hadis:5963, wa sahi muslim'hadis: 2110-(100)'wa lafaz laho.
(Daal) Hazrat Ebn-e-Abbas R.A.biyaan kerty hain k mai ny RAsool Allah (S.A.W) ko farmaty huway suna:

"her musaweer jahannum mai huga Allah Ta'ala us k liye her tasweer k badly aik jaan banaiga jo issy jahannum mai azaab degi."yani iski tasweerain jitni ziadah hongeen issi qadar usko takleef ziadah hogi."
sahi muslim'hadis:2110.
[03/09 3:03 PM] qisaiyed: (Haa) Hazrat Abbu Talha R.A. sy marvi hai k App (S.A.W) ny farmaya:

"jis ghar mai kutta aur tasweerain hon wahan farishty dakhil nahi hoty."
sahi albukhari'hadis:3225, wa sahi muslim'hadis: 2106
yh aur in jesi degar ahadis her tasweer k liye aam hain,inka saya hu ya na ho.gair sayadaar sy murad dewaar,kagaz ya kapry wagaira per banai gaee tasaviir hain.fataah makkah waly din Nabi (S.A.W) ka'abah mai dakhil huway to is mai muta'adid tasaweer majood thin.App (S.A.W) ny pani ka aik doul mangwaya aur yh farmaty huway inhain mitany lagy:

"Allah T'ala is quam ko barbaad kary jo aesi tasweerain banaty hain jihain wo zindaah nahi ker sakty."
sahi jamia assagiir'hadis:4292'wa silsala al ahadis sahiha'hadis:996.
tahum bamar majbori tasaweer waly currensy nouton k rakhny per gunaah nahi hoga. lekin yh tarika jari kerny aur is per amaal kerny waly gunaahgaar hongy, issi trhan passport aur shanakhti cards wagaira bhi mustashna hungy Qk zarorat k tehat inhain apny pass rakhna zarori hai.lekin yh ejazat baqadar zarorat hi hogi. Wa Allah a'alam. (shiekh Ebn jabreen)

🌷🌷🌷🌷🌷🌷🌷🌷🌷
🌹🌹🌹🌹🌹🌹🌹🌹🌹
🌻🌻🌻🌻🌻🌻🌻🌻🌻

MAKTABA AL FURQAN SAMI GUJARAT 9998561553

🌷🌷🌷🌷🌷🌷🌷🌷🌷
🌹🌹🌹🌹🌹🌹🌹🌹🌹
🌻🌻🌻🌻🌻🌻🌻🌻🌻

MALBOSATI JARAID KA KHAREEDNA AUR INHAIN SANMBHAL KER RAKHNA

MALBOSATI JARAID KA KHAREEDNA AUR INHAIN SANMBHAL KER RAKHNA

Question :
Kia khawateen k malbosat k jadeed tareen aur rangarang designo sy estadaah kerny ki garz sy malbosati rasail-o-jaraid khareedna najaiz hain? maloom rahy k aisy jaraid orton ki tasawer sy bhary huty hain to kia inhain estafadah ker lainy k baad sanmbhal ker rakhna jaiz hai?
Answer :
Is mai koi shak nahi k mehfil tasaweer per mushtamil rasail-o-jaraid ka khareedna haram hai, is liye k tasaweer ko sanmbhal ker rakna Rasool Allah (S.A.W) k irshad grami k paish-e-nazar haram hai:

"Jis ghar mai tasaweer hu us ghar mai farishty dakhil nahi hoty."
sahi albukhari' hadis: 3226' wa sahi muslim' hadis: (66)-2106.
Tanbeeh: Shiekh ebn baaz R.A sy yadgari tasaweer ki babut pocha gaya to unhuny yh jawab dia: "kisi bhi musalman orat k liye kisi bhi zee rooh ki yadgari tasweer sanmbhal ker rakhna jaiz nahi balky in ka zaya ker daina zarori hai. NAbi (S.A.W) ny HAzrat Ali R.A. sy farmaya tha: "her taswer ko mita dey aur her onchi qabar ko braber ker dey." [sahi muslim' hadis: 969' wa sanan abi daud' hadis: 3218.] Mazeed farmaty hain: jahan tak gair jandar ashiya, maslan: pahaar ya darakht wagaira ki tasaweer la ta'aluq hai to in mai koi harj nahi."
App (S.A.W) ny jab HAzrat Ayesha R.A. k takiaye per tasweer dekhi to woheen khary hugaye aur ander tashreef na laye.app k chehra anwer per krahat aur gussay k asaar numaya thy.
sahi albukhari' hadis: 3224' wa sahi muslim' hadis: 2107.
Mukhtalif malbosat paish kerny waly rasail-o-jaraid k bary mai gour kerna hoga, is liye k her tarha ka libaas jaiz nahi husakta, kuch malbosat to be perdagi ka baees banty hain jab k baaz tang aur mukhtasil huny ki bina per kuffar k makhsos libaas ka hissa hoty hain aur kuffar sy mushbehat haram hai. RAsool Allah (S.A.W) ka irshad hai:

"jo shakhs kisi quam sy mushabehat apnaye ga to woh unhi mai sy hai."
sanan abi daud' hadis: 4031' wa masnad ahmed:2/50.
Meri musalman bhaiyon ko aam tour per aur musalman khawateen ko khas tour per nasihet hai k woh aisy libaas sy perhaiz karen jo kuffar sy mushabihat rakhta aur beperdagi sy ebarat hu.
Dosri baat yh hai k khawateen ka her jadeed fashion waly libaas mai dilchaspi laina aam tour per es amar ka baees banta hai k hamary deen hanif ki adaat-o-atwar, jin sy hamara deen murakkab hai, gair muslimo sy makhoz adaat-o-atwar mai badal jati hain jo k gair mustehsan baat hai.
Shaikh ibn Saleh Usaimin

Islamic fhoto