ELM-E-GHAIB (UPDATE)

Bismillahirrahmanirraheem

" ek raat nabi akram(sws) apne bistar se uthkar baahar chale gaye, hz aisha (ra) bhi unke peeche baahar nikal aayin, aap (sws) ne baqiul gharqad(madine ka qabrastan) pahunchkar duwaye maghfirat ki aur waapas aa gaye, hz aisha ra unse pahle apne bistar par pahunchne me kaamyaab ho gayi lekin saans(breath) chadhi(fooli) hui thi, nabi akram sws ne wajah malum ki, hz aisha ra ne taalna chaaha, aapne farmaya-" aisha ! Bata do warna mera allah mujhe bata dega", is par hz aisha ne saari baat suna di"

(sahih muslim 974)

isse malum huwa ki ghar se nikalte waqt hz aisha ra ko malum na tha ki nabi akram (sws) kidhar aur kyon jaa rahe hain aur nabi(sws) ko bhi malum na huwa ki hz aisha bhi mere peeche thi??

" hz maswar bin yazid ra se riwayat hai ki ek baar nabi sws ne qir'at me qur'an ka kuch hissa chhod diya, ek aadmi ne kaha:- aapne falan ayat chhod di to aapne kaha:-" tune mujhe yaad kyon na dilaaya"

(abu dawood 907)

yani aap sws kabhi kabhi bhool bhi jaate they

ILM-E-GHAIB (PART 4)

ILM-E-GHAIB

Aye nabi ! kah dijiye: main tumse nahi kahta ke mere pass Allah ke khazane hain, aur na main Gaib janta hu aur na main tumse ye khata hu ke main Farishta hu, main to issi chiz ki pairwe karta hu jo meri taraf Wahee ki jati hai, kah dijiye kya bina aur nabina(blind & blindless) barabar ho sakte hain phir kya tum gaur nahi karte?

( *Sura- Tul-Anaam, Aayat-no: 50 * )

Tashrih:- >( Qul laaa 'aqoolu lakum 'indee khazaaa'inul-laahi )

Allah-Taala ne apne Rasool{s.a.w} se farmaya: kah dijiye ke main tumse ye nahi kahta ke mere pass Allah ke khazane hain, yani main Allah-Taala ke khazano ka maalik nahi aur na main isme tasraf ka koi ikhtiyaar rakhta hu.

( Wa laaa'a 'lamul-ghayba ] aur na main tumse kahta hu ke main Gaib janta hu, kyon ke Elm-e-Gaib Allah-Taala hi ka khaas hai aur mujhe sirf issi qadar Elm hansil hai jo Allah- Taala ne ata farma diya hai,

( Wa laaa'aqoolu lakum' innee malakun ) aur na tumse ye kahta hu ke beshak main Farishta hu, yani main Farishta hone ka bhi dawe-daar nahi hu, kyon ke main ek insaan hu, han !

albatta mujhe par Wahee nazil hoti hai, Allah-Taala ne mujhe is sharf-wa- Anaam se sarfaraz farmaya hai ke isne mujhe nabi banaya hai. issi liye farmaya:-

( 'in 'attabi'u'illaa maa yoohaaa ' iiayy; ]*}*) main to sirf iski pairwe karta hu jo meri taraf Wahee ki jati, yani isse ek balisht barabar bhi kami besi aur nahi karta-

( qul hal yastawil-'a'maa wal baseer; ) kah dijiye ke bhala bina aur nabina(blind & blindless) barabar ho sakte hain?

yani jo shakhsh haq ki ittaba kare aur hedayat yafta ho to wo aur haq se door ho kar gumraah ho jane wala barabar kaise ho sakte hain?

( 'afalaa ta tafakkaroon ) kya phir tum gaur nahi karte? jaisa ke farmaya: bhala jo shakhsh ye janta hai ke jo kuch apke paradigaar ki taraf se aap par nazil hua hai wahi Haq hai, wo is shakhsh ki tarah andha hai?

pas nasihat wo hansil karte hain jo Aaqalmand hain. Aur iski puri tafsir ke liye dekhe

( Tafsir-ibn-Kathir, Surah-Al-Anaam, Aayat-no,50 )

Aur issi ke pass gaib ki kunjiya hai, inhe iske siwa koi nahi janta aur wo janta hai jo kuch khushki aur tari me hai aur koi patta nahi girta jise wo janta na ho aur zameen ke andhero me koi dana aisa nahi photta jise wo janta na ho aur koi tar chiz aur koi khushk chiz aisi nahi jo wazha kitaab me likhi hui na ho.

( *Surah-Al-Anaam, Aayat- no: 59 * )

Allah ke siwa koi Gaib nahi janta:- Irshad-e-bari- taala hai ( Wa 'indahoo mafaatihul-ghaybi laa ya' lamuhaa 'illaa Hoo; ) aur iske pass Gaib ki kunjiya hain jinko iske siwa koi nahi janta-

" imam-Bukhari(r.a) ne Abdullah-Bin-Umar(r.t.a) se rawayat kiya hai ke Rasool{sall’ Allaahu ta’aalaa alaihi wa’sallam} ne farmaya: Gaib ki panch kunjiya hain:" beshak Allah hi ko Qayamat ka Elm hai aur wahi pani barsata hai aur wahi janta hai jo kuch hamlon( prignint) ke peton me hai aur koi shakhs nahi janta ke wo kal kya kaam karega aur koi shakhs nahi janta ke kis zameen me isse maut aayegi beshak Allah hi janne wala aur khabardar hai.

(*Sahih-Bukhari, Vol-no: 8 , Book: 98( Kitab-Ul- Tauheed), Hadees-no: 7379 *)(*Sahih-Bukhari, Vol-no: 6 , Book: 65( Kitab-Ul-Tafseer), Hadees-no: 4627 ,4778 *)( *Sahih-Bukhari, Vol-no: 2 , Book: 15( Kitab-Ul-Istasqah), Hadees-no: 1039 *)( *Tirmizi, Kitab-Ul-Tafseer, Hadees-no: 3290 * )( *Musnad-Ahmad: 24 /2 * /// Musnad-Ahmad: 353 6 * )

aur Irshad-e-Elahi hai ( wa ya'lamu maa fil-barri walbahr; )aur isse khushki aur samondar ki sab chizon ka Elm hai iska bepaya Elm baro-bahar mojojaat ka aahata kiye hue hai, Aasman-wa-Zameen ka koi zarrah bhi iske Elm se bahar nahi hai, Aur irshad-e-bari-taala hai:- ( wa maa tasqutu min waraqatin 'illaa ya'lamuhaa ) aur koi patta nahi girta magar wo usko janta hai, wo zaat-e-girami jo jamatat tak ki harkat se aagah hai, hewanat aur "Jinn-wa- ins" ki babat iske Elm ke bare me tumhara kya khayal hai aur jo bate sene me chupate hain inko bhi.

Aur iski puri tafsir ke liye dekhe( Tafsir-ibn-Kathir, Surah-Al-Anaam, Aayat-no,59 )

ILM-E-GHAIB (PART 3)

ELM-E-GHAIB

Aye Nabi{sall’Allaahu ta’aalaa alaihi wa’ sallam} log apse Qayamat ke bare me sawal kaete hain ke iske aane ka waqt kaun sa hai? Kah dijiye: iska Elm to mere Rab hi ke pass hai wahi isse iske waqt par zhahir karega, Wo Aasman aur Zameen me bhari hadsah hogi- wo Qayamat tumhare pass achanak hi aayegi, wo log apse sawal karte hain Jaise aap iske waqt se Bakhubi waqif hain, Kah dijiye iska Elm to sirf Allah ke pass hai lekin aksar log nahi jante.

( *Surah-Al-Aaraaf, Aayat-no: 187 * )

Tasrih:- Allah ne apne Rasool{sall’Allaahu alaihi wa’sallam} ko hukum diya ke jab aap se Qayamat ke bare me pucha jaye to aap iska Elm ko Allah-Taala ki taraf lauta de kyon ke wahi isse iske waqt par zahir kar dega aur wahi pure taur se iske waqt ko janta he or iske siwa koi bi isse nhi janta yani iska yaqini Elm na kisi Farishta ko hai na kisi Nabi ko, Allah ke siwa iska Elm kisi ke pass nahi, wahi isko apne waqt par zahir farmaye ga. Iski puri tafseer le liye dekhe

( Tafsir-ibn-Kathir,Al-Aaraf, Aayat-no,187 )

ILM-E-GHAIB

AS SALAM O ALLAIKUM WR WB

1-Aap farma dijiye ke main khud apni zaat khas ke liye kisi nafaa ka ikhtiyar nahi rakhta aur na kisi nuksaan ka magar itna hi ke jitna ALLAH ne chaha ho,

Aur agar main “Gaib” ki bate janta hota to main bahut se nafaa hansil kar leta aur koi nuksaan mujhko na pahunchta main to sirf Darane wala aur basharat dene wala hu in logon ko jo Emaan rakhte hain.

( *Surah-Al-Aaraaf, Aayat-no---188 * )

Tashrih:- Allah- Taala ne apne Rasool{sall’Allaahu ta’aalaa alaihi wa’sallam} ko ye hukum diya hai ke tamaam kamon ko iske(yani Allah ke) bharose kar de aur apne bare me ye bataye ke aap mustakbil(yani Future) ki “Gaib” ki baton ko nahi jante, inme se kisi ki apko itaala(yani Malumaat) nahi, siwaye iske jiske bare me Allah-Taala ne aapko matlo farma diya(yani Bata diya) ho,

Jaisa isne farmaya:- wahi “Gaib” ki baat ko janne wala hai aur kisi par apne baat ko zahir nahi karta.

( surah-tul-jinn, aayat-no---26)

aur irshad-e-bari-taala hai: Aur agar main “Gaib” ki bate janta hota to bahut se fayede jama kar leta.

2-Zuhaak(r.a) ne Hazrat-Ibne-Abbas{Radi- Allahu 'anhu} se rawayat kiya hai ke iske maane(meaning) ye hai ke main bahut sa maal jama kar leta.

( *Tafseer-Ibne- Aabi-Haatim, 1629 /5 * )

Dosri rawayat me alfaaz ye hain ke kharedari ke waqt mujhe ye maloom ho jata ke mujhe kis chiz me nuksan hoga aur istarah jo chiz bhi main farokht( yani Sell) karta mujhe isme nafaa hi hansil hota aur mujhe koi taklif na pahunchti yani mujhe Faqar-wa-Faqah na pahunchta.

( *Tafseer-Ibne-Aabi-Haatim, 1629 /5 * )'

Imaam- Ibne Jaryer farmate hain ke Mufasareen ne iske maane(yani Matlab) ye biyaan kiye hain ke agar main “Gaib” ki bate janta hota to khush-haali ke daur me Qahat-Sali ki taiyari kar leta, chizon ke sasta hone ke daur me mangai ke daur ki taiyari kar leta.

( *Tafseer-Tibriyai: 190 /9 * )

Abdul- Rahman-Bin-Aslam(r.a) ne iske maane(meaning) ye biyaan kiye hain ke kisi Musibat ke aane se pahele main isse bachne ki tadbir ikhtiyar kar leta aur aur isse bach jata.

( *Tafseer-Ibne-Aabi-Haatim, 1630 /5 * )

Phir bataya ke aap to Nazir aur Bashir hain, yani Allah-Taala ke aazab se darane wale aur Momin ko Jannat ki khush-khabri sunane wale ho,

Jaisa ke Irshad-Bari-Taala hai: Aye paigamber! Humne ye Quraan apki zubaan me aasaan( yani Easy) nazil kiya hai, take aap isse parhezgaron ko khush-khabri de aur jhagdalo ko dara de.

( *surah-tul-maryam, aayat-no---97 * )

{ 3 } Ye Aayat is baat me kitni wazaha hai ke Nabi{sall’ Allaahu ta’aalaa alaihi wa’sallam} Elm-E-Gaib nahi, Elm-E- Gaib sirf Allah ki zaat hai, lekin zulm aur jahalat ki inteha hai ke iske bawajud Ahl-E-Bidat apko Elm-E-Gaib batate hain, halake baaz jung me apke danth-e-mubarak bhi shayeed hue, apka chahra-e-mubarak bhi zakhmi hua aur apne farmaya ye Qauoom kaise Falah-Yaab hogi jisne apne Nabi ke sar ko zakhmi kardi,

Hazrat-Aaysha{Radi-Allahu ' anhu} tohmat lagi to Nabi{sall’Allaahu ta’aalaa alaihi wa’ sallam} pure ek mahina(yani one Month) nehayat pareshan rahe, ek yahudi Aaurat(woman) ne apko “Dawat” ki aur khane me Zahar mila diya jise apne bhi khaya aur Sahaba(r.t.a) ne bhi, hatta ke kuch Sahaba(r.t.a) to khane ki Zaharrelepan se halaq(yani Death) hi ho gaye aur khud Nabi{sall’Allaahu ta’aalaa alaihi wa’sallam} umar bhar is Zahar ke aasaraat mahsoos farmate rahe, ye aur is qisim ke bahut sare waqiyat hai jinse sabit hai ke apko Adum-Elm ki waja se taklif pahunchi nuksaan uthana padha, jisse Quraan ki biyaan kardah Aayat ki haqiqat sabit hota hai ke- Agar main “Gaib” janta hota to mujhe koi nuksaan na pahunchti.

( *Ahsan-Ul-Biyaan, Surah-Tul-Aaraaf, Aayat-no---188 * )

Aur iski puri tafsir ke liye dekhe

( Tafsir-ibn-Kathir, Surah-Al- Aaraaf, Aayat-no,188 )

Maa Aisha{Radi-Allahu 'anhu} ne bayan kiya ke agar tum se koi ye kehta hai Mohammed{sall’Allaahu ta’aalaa alaihi wa’ sallam} ne apne Rab ko dekha to woh galat kehta hai ( jhoota hai) kyon ki Allah-Taala apne bare me khud kehta hai ke nazrein is ko dekh nahin saktein aur jo koi kehta hain ke Allah ke Nabi{sall’Allaahu ta’aalaa alaihi wa’sallam