Sood

Bismillahirrehmaanirraheem

Assalamualaikum Warahmatullahi Wabarakaatuhu

SOOD (INTEREST) KA BAYAAN

1-Hz Jabir bin Abdullah (R.A) Se Rivaayat hai ki rasoolullah (S.A.W) ne Sood (interest) lene wale,dene waale Aur is ke likhne wale Aur is ke gawahon par Laanat farmai hai, Aur farmaaya:

"(Gnah ke irtikaab me) ye sab baraabar hai "

(Muslim Aur Bukhari me abu juhaifa (R.A) Se marvi hadees bhi isi tarah hai)

FAYDA

is Hadees me Sood ki hurmat, lene dene waale, likhne waale Aur gwahon par laanat ka zikr hai,Sood nassi Qurani se Haraam hai, is se baaz na aane waalon ke liye Allah Aur us ke Rasool(S.A.W) ki taraf se elaane jang hai, ye aisi laanat hai jis duniya bhar ke log giraftaar Aur mubtala hai,is laanat se chutkaare ke liye sachhe dil se har musalmaan ko koshish karni chahiye

2-Hz Abdullah bin Msaood(R.A) ne nabi(S.A.W) se rivaayat kiya hai ki Aap(S.A.W) ne farmaaya:

"Sood ke 73 darje hai,sabse kamtar darja us gunah ki tarah hai li koi aadmi apni maan ke saath nikah kare Aur sabse badkar Sood kisi musalmaan ki aabroorezi karna hai"

(Ise Ibne Maja ne mukhtasar Aur haakim ne mukammal bayaan kiya hai)

3-Hz Abu Syed Khudri (R.A) se rivaayat hai ki rasoolullah (S.A.W) ne farmaaya:

"sone (gold) ko sone ke badle me na becho, magar baraabar baraabar Aur ek doosar ke wazan me (Kami) beshi na karo,Aur chandi ko chandi ke badle me na becho,magar baraabar baraabar Aur ek doosre ke wazan me(Kami) beshi na karo Aur in me gayr maujood ke badle me maujood ko na becho"

(Bukhari,Muslim)

4-Hz Ubaada bin Saamit (R.A) se rivaayat hai ki rasoolullah(S.A.W) ne farmaaya:

"Sona sone ke badle,gandum gandum ke badle, jau jau ke badle, khajoor khajoor ke badle Aur namak namak ke badle ek doosre ki tarah baraabar baraabar Aur nagad (cash) banagad (Beche jayen) agar ajnaas me ikhtilaaf ho to fir jis tarah chahe beche,magar keemat ki adaigi nagad (cash) ho"

(Muslim)

5-Hz Abu Hurayira (R.A) se rivaayat hai ki Rasoolullah(S.A.W) ne farmaaya:

"Sona sone ke badle me,wazan me baraabar baraabar Aur kism ki ek ho,chandi chandi ke badle me,wazan me baraabar baraabar Aur kism me ek jaisi ho,fir agar koi zaada le ya zaada de,bas wah Sood hai

(Muslim) 
🌷🌷🌷🌷🌷MAKTABA AL FURQAN SAMI GUJARAT 9998561553 🌷 🌷 🌷 🌷 🌷 🌷 🇮🇳🇮🇳🇮🇳🇮🇳🇮🇳🇮🇳

TIJARATI MAAMLAAT KA USOOL (ISLAMIC RULES FOR BUSINESS TRANSACTION)

TIJARATI MAAMLAAT KA USOOL (ISLAMIC RULES FOR BUSINESS TRANSACTION)
Bismillahirrahmanirraheem

TIJARAT AUR SAUDE'BAZI (TRADING) KE AHKAAM:- PART-1

TIJARATI MAAMLAAT KA USOOL (ISLAMIC RULES FOR BUSINESS TRANSACTION)

Tijaarati Aur Len-Dein (Trading) Ke Maamlaat Ke Mutaalliq Ye Usool Yaad Rakhna Chahiye Ke Tamam Maamlaat Me Asal Abaahat Hai,

Jaise Ka Ahle Ilm Ne Ye Usool Bayan Kiya Hai Ke

"Ashya Me Asal Abaahat Wa Jawaaz Hi Hai"

(Usool Al Fiqh Al Manhajj Ahlul Hadith Page 116)

Lihaaza Karobaar Ki Qadeem (Old) Wa Jadeed (New) Har Surat Jayez Wa Mubaah Hai Siwaaye Us Soorat Ke Jisse Mana Kar Diya Gaya Hai,Sirf Usse Bach Jaana Chahiye;

Aur Haram Tijaarati Maamlaat Ke Mutaalliq Ye Usool Zehan'nasheen Rahna Chahiye Ke Jis Maamle Me Bhi Sood, Dhoka Ya Nuqsaan Ho Wah Haram Hai,

Farmaan E Nabawi Hai Ke

"Musalmano Me Sabse Bada Mujrim Wah Hai Jisne Aisi Cheez Ke Mutaalliq Sawaal Kiya Jo Haram Nahin Thi, Fir Uske Sawaal Ki Wajah Se Haram Kar Di Gayi"

(Bukhari 7289 Kitab Al Ehtesham Ba Kitabus Sunnah, Muslim 2358)

Is Hadith Ki Tashreeh Me Hafiz Ibn Hajar (Rh) Likhte Hain Ke

"Is Hadith Me Ye Saboot Maujood Hai Ke Tamam Ashya Asal Me Mubaah Hain Jab Tak Uske Khilaaf (Yani Unki Hurmat Ke Mutaalliq) Shariat Ka Koi Huqm Na Aa Jaaye"

(Fath Ul Bari 13/269)

TIJAARAT KE JAWAAZ KE DALAIL:

1- "Allah Tala Ne Khareed Wa Farokht Ko Halal Kiya Hai "

(Surah Baqarah 275)

2- "Jab Ek Dusre Se Khareed Farokht Karo Toh Gawaah Bana Lo"

(Surah Baqarah 282)

3- "Tum Par Koi Gunaah Nahin Ke Tum (Mausam Hajj Me Ba'zariye Tijaarat) Apne Rabb Ka Fazal Talaash Karo"

(Surah Baqarah 198)

4- "Jab Namaz Muqammal Kar Di Jaaye Toh Zameen Me Fail Jaao Aur (Ba'zariye) Tijaarat Allah Ka Fazal Talash Karo"

(Surah Juma 10)

5- Rasoollullah (Sws) Se Daryaaft Kiya Gaya Ke

"Aadmi Ka Apne Haath Se Kaam Karna Aur Har Bayy (Trading) Mabroor (Yani Wah Tijaarat Aur Khareed Farokht Jo Shar'an Durust Ho )"

(Silsila Us Sahiha 607, Hidayatul Arwah 2715, Musnad Ahmad 1414)