BAREEK OREHANI AUR JARABO MAI NAMAZ PARHANY KA HUKAM

BAREEK OREHANI AUR JARABO MAI NAMAZ PARHANY KA HUKAM

Question :
Aisi bareek orehani mai k jis sy aurat ka libaas nazar aa raha hu namaz parhany ka kia hukam hai?
Answer :
Bareek orehani,bareek libaas aur bareek jarabon mai aurat k liye namaz ada kerna jaiz nahi hai,aisy libaas mai namaz nahi hogi.aurat ko aisy ba perdaah libaas mai namaz parhani chaheye jis sy is ka jism aur nichy pehny huway kapry ka rang nazar na aye Qk aurat tamam ki tamam qabil-e-satar hai, lehaza is per doran namaz chahry aur hathon k elawah tamam jism ka dhanpna zarori hai aur agar woh hath bhi chupa saky to ziadah behtar hai. jahan tak paon ka ta'aluq hai to inhain doran-e-namaz moti jarabon ya lamby libas sy dhanpna zarori hai.1 (shiekh Ebn Baaz)
RAsool Allah (S.A.W) ny irshad farmaya:

"Allah Ta'ala jawan aurat ki namaz bagair dupatty (chadar) k qabool nahi farmata."[sanan abi daud'hadis:641.]

AURAT K GUSAL haiz o JANABAT KI KAIFIYAT KA BIYAAN

AURAT K GUSAL HAIZ-O-JANABAT KI KAIFIYAT KA BIYAAN

Question :
Kia mard-o-aurat k gusal janabat mai koi fark hai?aur kia aurat per gusal k liye baal khulna zarori hain? ya hadis Nabvi ki bina per 3 lup pani daal laina hi kafi hai? naiz gusal janabat aur gusal haiz mai kia fark hai?
Answer :
Mard-o-aurat k gusal janabat mai koi fark nahihai aur kisi per bhi gusal k liye balon ka khulna zarori nahi hai balky baalon per 3 lup pani daal ker baki jism ko dhou laina kafi hai.iski daleel yh hai k HAzrat Umme Salma R.A. ny Nabi (S.A.W)
sy daryaaft kia:

"Be-shak mai aisi aurat hoon k apny baal khub mazbat gondhti hoon, kia inhain gusal haiz aur janabat k liye khula karon? is per App (S.A.W) ny farmaya: nahi,tery liye yahi kafi hoga k sar per 3 chal'lu pani daal ker (sar ko achi tarhan maly) phir baki jism per pani bahaly pas to pak hujayegi."
Sahi muslim'hadis:330,wa sana abi daud'hadis:292. Agar aurat ya mard k jism per mahendi wagair lagi ho aur iski wajah pani jism tak na pohanch sakta hu to iska azala zarori hai.jahan tak aurat k gusal haiz ka ta'aluq hai to is sorat mai is k liye balon ka khulna mukhtalif feeh hai.darust baat yh hai k aurat per gusal haiz mai bhi balon ka khulna zarori nahi hai.jaisa k mazkur abala hadis Umme Salma R.A. mai guzra hai pas yh ravayat is bary mai nus hai k gusal haiz ya gusal janabat ki sorat mai aurat per balon ka khulna wajib nahi hai lekin afzal yh hai k aurat gusal haiz k liye baalon ko khol ly. is tarhan mukhtalif dalail k mabain tautbeeq ki sorat paida husakti hai aur ikhtelaf sy bachna bhi mumkin hoga aur aihtiyat ka taqaza bhi yahi hai. (Dar-ul-Ifta cammettie)

DORAN WAZO AURAT SAR KA MASAH KAISY KARY

DORAN WAZO AURAT SAR KA MASAH KAISY KARY?

Question :
Doran wazo aurat k sar ka masah kerny ki kefiyat kia hai? kia aurat kisi majbori k tehat sar k aik hissey ka masah ker sakti hai?
Answer :
Wazo mai sar k masah ka hukam aurat k liye bhi wohi hai jo mard k liye hai. 2
2 Qk irshad Bari TA'ala hai:"Aur tum apny saro ka masah karo." [Al Maidah5:6]
Imam saeed bin Almasaib Rehmat ul Allah farmaty hain:
is hukam mai mardod khawateen braber hain.aurat bhi apny sary sar ka masah karegi.Imam Malik Rehmat ul Allah sy jab yh masla pocha gaya k kia aurat ko sar k aik hissey ka masah kafi hoga?to unhuny ny Hazrat Abdul Allah bin zaid R.A. ki hadis batour daleel paish ki jis mai hai k Hazrat Abdul Allah bin zaid R.A.
ny wazo ka tarika amlan wazo ker k biyaan kia:

"Phir inhuny apny donu hathon sy apny sar ka masah kia, donu hathon ko sar k aagy aur pichy ly gaye.paishani sy shoro kia yahan tak k inhain guddi tak ly gaye, phir usi jagah tak wapis laye jahan sy shuro kia tha......"
[sahi albukhari'hadis:185'wa sahi muslim'hadis:(18)-235.]
MAsah kano samait sar k akhri hissey tak kerna zarori hai.lekin yh wazay rahy k mozay sar k elawah aurat k latky huway baalon,yani chotiyon ka masah kerna zarori nahi hai. ahadis sahiha mai NAbi (S.A.W) sy sabit hai k App (S.A.W) sar k aglay hissey sy ly ker is k akhir (guddi) tak ka masah farmaty thy.jaisa k Hazrat Abdul Allah bin zaid R.A. ki hadis mai mazkoor hai. asal yh hai k sharai aihkam mai mard-o-zan brabar hain. siwaye in aihkam k jihain kisi sharai daleel ki roo sy ekhtasaas hasil hujaye. (shiekh ebn baaz)

WAZO MAI KHAK PERNY KA HUKAM

WAZO MAI SHAK PERNY KA HUKAM

1216wazo mai shak perny ka hukam
Posted on March 30, 2013 | Filed under Physical Purification, Taharat
Question :
Jab kisi shakhs ko shak par jaye k iska wazo toot gaya hai ya nahi to is bary mai sharai hukam kia hai?
Answer :
Jab kisi shakhs ko wazo totny ya baki rehny k mutaliq shak ho to is bary mai asal yh hai k taharat zpni halat per barqarar rahegi aur shak mazar nahi huga.Qk Jab Nabi (S.A.W) sy us shakhs k bary mai sawal kia gaya jo doran-e-namaz kuch mehsos kerta hai to App (S.A.W) ny farmaya:

"Woh namaz sy na nikaly yahan tak k awaz suny ya badbu pai."
sahi albukhari'hadis:137'wa sahi muslim'hadis:361.
App (S.A.W) ny wazay farmaya k taharat hasil kerny k baad asal taharat aur pakezgi hai ta wqt yh hadas (be wazo hona) yaqini tour per mutahaqaq hujaye.shak ki sorat mai iski taharat sahi aur sabit rahigi,lehaza is kliye namaz parhna,tawaf kerna aur tilawat-e-Quran kerna jaiz hoga.yahi asal hai. Al humdulillah yh islam ki nawazishat haur asani ka aik mazher hai. (shiekh ebn baaz)

SAR PER MEHANDI LAGANA NA TO NAQIZ TAHARAT HAI AUR NA HI MASAH K LIYE IS KA HUKAM

SAR PER MEHANDI LAGANA NA TO NAQIZ TAHARAT HAI AUR NA HI MASAH K LIYE IS KA HUKAM
Question :
Aik aurat ny wazo kerny k sar per mehandi lagai aur phir namaz ada kerny lagi.kia is ki namaz darust hai? agar iska wazo toot gaya to kia mehandi per masah kery gi ya baal dho ker is per masah kary gi, yani adaigi namaz k liye baqaidah naya wazo kerna hoga?
Answer :
Taharat (sugra ya kubra) hasil kerny k baad sar per mehandi lagana naqiz taharat nahi hai. agar aurat wazo ya gusal k bad sar per laip kary yo taharat Sugra (wazo) k liyr mehandi k opar sar ka masah kerna kafi huga. lekin taharat kubra (gusal) kerny ki sarat mai sar ka masah kafi na hoga blky is per 3 bar pani dalna zarori hai.iski daleel yh hai k Hazrat Umme Salma R.A. ny arz kia: YA RAsool Allah! mai apny sar k balon ko kas ker bandhti hoon,kia gusal janabat k liye inhain khulna hoga? is per App (S.A.W) ny farmaya:

"Nahi tery liye yahi kafi hai k to sar per 3 lap pani daal ly, phir apny jism per pani baha ly to tou pak hujaygi."
sahi muslim'hadis:330'wa sana abi daud'hadis:251 wa jamia al tramzi' hadis:105.
Wesy agar aurat haiz k baad gusal kerty wqt inhain khol ly to ziadah behtar hai Qk kuch deegar ahadis iski moeed hain. (shiekh ebn baaz)