AIK HI KALMAY K SATH 3 TALAQAIN K BARE MAI HUKAM

AIK HI KALMAY K SATH 3 TALAQU K BARY MAI HUKAM

Question :
Aik mard ny apni bivi ko aik hi kalmey k sath 3 talaqain day den. is bary mai kia hukam hai?
Answer :
Jab koi mard apni bivi ko aik hi kalmay k sath 3 talaqain dey dey, Maslan: es tarha kahy k

"(tujhy 3 talaqian hain)"
Jamhour Ahl-e-ilm ka mazheb yh hai k is sy orat per 3 talaqain waqey hujati hain aur woh apny shoher per haraam hujati hai aur sirf aik hi sorat mai halal hoti hai k is k baad kisi aur shakhs sy berza-o-ragbeshadi kery, halala ki sorat mai nahi aur phir woh shakhs is sy muqarbet bhi kery aur phir maut ya talaq ki sorat mai es sy alehdagi hujaye aur eddat guzer jaye. in Ahl-e-ilm ka estedlaal HAzrat umer bin khatab R.A. k is amal sy hai k app ny teenu talaqu ko logo per nafiz ker diya tha. baaz Ahl-e-ilm ka mazheb yh hai k yh aik talaq shumar hogi aur shoher ko eddat k ander rajou kerna ka haq hasil hai aur agar eddat khatam hujaye to phir woh naye nikkah k sath halaal hogi, in hazraat ka estedlaal sahi muslim mai Hazrat Ebn Abbas R.A. sy mervi is hadis sy hai:

"Rasool Allah (S.A.W) k aihed mai, hazrat Abu Baker Sadiqque R.A. k aihed mai aur HAzrat Umer R.A. ki khilafat k ebtadai 2 saalo mai 3 talaqo ko aik hi shumar kia jata tha, HAzrat Umer R.A. ny farmaya k logo ny is mamaley mai jalb bazi shoru ker di hai jis mai inhain muhlet di gae thi, lehaza agar hum issy nafiz ker dey (to acha hai), chanacha inhuny issy nafiz kr dia."
sahi muslim' hadis:1472.
sahi muslim hi ki aik dosri ravayt mai ilfaz yh hain k Abbu-us-suhba ny HAzrat Ebn Abbas R.A sy pocha k kia NAbi Akrem (S.A.W) k aihed mai, Hazrat Abu Baker R.A. k aihed mai aur HAzrat Umer R.A k aihed k (pehly) 3 saalo mai 3 talaqo ko aik qarar nahi dia jata tha? to unhuny farmaya : Haan.
sahi muslim'hadis: (16)-1472.
Naiz inka estadlaal is hadis sy bhi hai jissy Imam Ahmed Rehmat-ul-Allah Alleh ny masnad mai jaid sanad k sath Hazrat Ebn Abbas R.A. sy ravayat kia hai k abu rikana ny apni bivi ko 3 talaqain day den jis ki wajah inhain bohat gum huwa to Nabi Akrem (S.A.W) ny in ki bivi ko wapis louta dia tha aur farmaya tha: "yh aik talaq hai." inhuny is hadis ko aur is sy pehli hadis ko is baat per mehlol kia hai k aik kalmey k sath 3 talaqain aik hi talaq hai ta k in 2 hadiso aur muderja zail irshadat Elahi k dermiyan tatbeeq di ja saky:

"talaq (jis k baad rajou husakta hai sirf) 2 baar hai." 3
3 Al Bakra 2:229.
Aur Irshad Bari Ta'ala:

"Phir agar shoher (2 talaqu k baad teesri) talaq orat ko dey dey to is k baad jab tak woh orat kisi dosry shakhs sy nikkah na ker ley is (pehly shoher) k liye halaal na hogi."
al Bakra 2:230.
sahi ravayat k murabiq Hazrat Ebn Abbas R.A. ka bhi aik qual yahi hai jab k dosri ravayat k mutabiq in ka dosra qaul akser logo k qaul k mutabiq hai. aik majlis ki 3 talaqon k aik huny ka qaul Hazrat Ali, Abdu-ur-Rehman Bin Auf aur Zubair bin awaam R.A. sy bhi mervi hai, ta'abaeen ki aik jamat, Mohammad BIn Eshaq Rehmat-ul-Allah Alleh Sahib-e- "Al seerah" Aur mutaqadmeen-o-muthakhrin Ahl-e-ilm Rehmat-ul-Allah Alleh ki aik jamat ka bhi yahi qaul hai. Shiekh-ul-islam ebn teemiya Rehmat-ul-Allah Alleh aur App k shagird RAsheed Alama Ebn Qaim Rehmat-ul-Allah Alleh ny bhi is qaul ko pasand farmaya hai, Mai bhi issi qaul k mutabiq fatwa siata hoon Qk is sy tamam nasoso k mutabiq amal bhi hujata hai aur is mai musalmano k sath rehmat aur narmi bhi hai. (shiekh ebn baaz)

ORAT KO MUTALQA SAMJHA JAYEGA

ORAT KO MUTALQA SAMJHA JAYEGA

Question :
Orat mutalqa kab shumar hogi? aur talaq k jawaz mai kia himat hai?
Answer :
Orat ko us wqt mutalqa samjha jayega jab us ka shoher mukalaf-o-mukhtar hu aur woh apni bivi ko talaq dey aur talaq k waqu mai janoon ya nasha wagaira koi amar many bhi na hu. aur agar shoher majnon hu ya issy majbor kiya gaya hu ya woh nashy ki halat mai hu ya woh is qadar shadeed gussey ki halaat mai hu, jis sy insan madhosh sa hujata hai, k talaq k muqsan ko samjhny sy ajiz hu, wazeh asbab bhi is halat sy taeed kerty houn k is ny shadeed gussey mai talaq di hai, mutalqa bhi is baat ki tasdeeq kery ya mua'atbir gawahi sy iski tasdeek hu to oulama k sahi qaul k mutabiq is sorat mai talaq waqey na hogi Qk Nabi Akrem (S.A.W) ny farmaya hai:

"shakhs merfo'u alqalam hain: 1 sowya howa hatta k baidar hujaye 2 Bacha hatta k balig hujaye 3 aur majnon hatta k samjhny lagy."
sanan abi daud' hadis: 4403' wa jamia at'tramzi ' hadis: 1423.
Irshad bari Ta'ala hai:

"Jo shakhs emaan lany k baad Allah k sath kuffar kary (es per Allah ka bara gazab hai magar) woh nahi jo majbor kia jaye aur is ka dil emaan k sath mutmaeen hu."
Alnahel 16:106.
jab es shakhs ko kafir qarar nahi dia ja sakta jissy kuffar per majboor kia gaya hu aur is ka dil emaan k sath mutmaeen hu to us shakhs ki talaq to bilaolaw waqey na hogi jis ny mahez jaber (zaberdasti) ki wajah sy talaq di hu Qk NAbi Akrem (S.A.W) ny farmaya:

"Jaber ki talaq aur azaadi kuch nahi hai."
Ahl-e-ilm ki aik jamat ny, jis mai imam ahmed Rehmat-ul-Allah Alleh bhi hain, is hadis mai warid lafaz "Aglaag" k maeeni jaber aur gussah k liye kiye hain, khalifa Rashid HAzrat Usman R.A. aur Ahl-e-Ilm ki aik jamat ny yh fatwa dia hai k aisy nashy mai madhosh shakhs ki talaq waqey nahi hogi jis ny is ki aqal ko mavif ker dia hu, agarcha nashy ki wajah sy gunaahgaar hoga.
TAlaq k jawaz mai hikmat to behad wazeh hai k kabhi bivi shoher k munasib nahi hoti aur kabhi shoher bohat sy asbab, MAslan: za'af aqal, za'af deen ya beadbi ki wajah sy bivi sy nafrat kerta hai, Allah TA'ala ny is k liye kushadgi ka tareeka yh rakha hai k issy talaq dey ker apni esmat (zojeyat) sy kharij ker dey, Irshad bari Ta'ala hai:

"Aur agar miaan bivi (mai mufavqat na reh saky aur) aik dosrey sy judda hujayen to Allah her aik ko (dosrey sy) apny fazal sy beniyaz ker deyga aur Allah hamesha sy wusat wala, kamaal hikmet wala hai." (shiekh ebn baaz)
AL nissa 4:130.

MAI IS SY TALAQ CHAHTI HOON

MAI IS SY TALAQ CHAHTI HOON

Question :
Mery bary bhai ny meri marzi k bagair mera nikkah ker dia, is k bawajood mai 6 saal tak apny khawand k sath rahi, hamari koi olaad bhi nahi, mai ab bhi is k pass hoon. mai is sy mohabbat nahi kerti hoon balky mai to is sy talaq laina chahti hoon. ab rukawat sirf yh hai k mai ny aik hadis syn rakhi hai k jo orat bilawajah khawand sy talaq ka mutalba kery woh jannat mai dakhil na hogi. iska hal kia hai?
Answer :
Jab app koi aitraz kiye bagair khawand k sath chali gaeen aur aik arsey tak is k sath raheen to is ka matlab yh huwa k app ny apny bhai k tasarruf ko sanad-e-jawaz ata ki, lehaza yh nikkah sahi hai kyun k nikkah ejazat ki wajah sy darust qarar pata hai magar jab aik khawand k sath app na khush aur gair mutmain hain aur karahet-o-tangi mehsos kerti hain aur is k haqoq ki adaigi k bary mai kotahi ka khouf bhi lahaq rehta hai aur is sy olaad bhi nahi to yh tamam asbab is sy mutalba talaq ko jaiz therany k liye kafi hain.
Shaikh ibn Jibreen

AGAR MARD OLAD PAIDA KERNY K QABIL NA HU TO TALAQ KA MUTALBA KARNA ZAIZ

AGAR MARD OLAD PAIDA KERNY K QABIL NA HU TO TALAQ KA MUTALBA KERNA JAIZ
Question :
Aik khaton kafi mudat sy shadi shudah hai magar woh beolaad hai. medical checkup k baad maloom huwa k nuqs khawand mai hai aur in dono mai olaad ka hona mahaal hai, kia is sorat mai bivi talaq talb kerny ka haq hasil hai?
Answer :
Jab wazey hugaya k banjh pan sirf mard mai hai to orat ko is khawand sy talaq talb kerny ka haq hai. agar woh talaq dey dy to behter, warna qazi nikkah ko fasakh ker dyga, is liye k orat ko bhi bachy lainy ka haq hasil hai. aksar ortain sirf bachon k liye hi shadi kerti hain. jab orat ka khawand olaad k qabil na hu to issy talab talaq aur faskh-e-nikkah ka haq hasil hai. Ahl-e-ilm ka rajeh qaul yahi hai. (shiekh Mohammad bin saleh esimeen)

RAZA'AT KI TARHA KHOON SY HURMET SABIT NAHI HOTI

RAZA'AT KI TARHA KHOON SY HURMET SABIT NAHI HOTI

Question :
Jab koi orat bimaar hu, issy khoon dainy ki zarorat hu, kisi ajnabi shakhs ka issy khoon dia gaya hu, Allah Ta'ala issy shafa ata farma dey to kia khon dainy waly shakhs ka is sy nikkah jaiz hai ya nahi?
Answer :
Kisi mard ka khoon hasool taqat k liye orat ko laga dainy sy hurmet lazim nahi aati jis tarha raza'at sy hurmet lazim aati hai, khuwah khoon kitni hi baar Q na muntaqil kia gaya hu, issi tarha agar kisi mard ko kisi orat ka khoon lagaya gaya hu to es k liye bhi yahi hukam hai, lehaza is donu ka aik dosrey sy nikkah kerna jaiz hai. (Fatwa Cammeitte)

NAWAQFIYAT KI WAJAH SY RAZAI BAHEN SY SHADI

NAWAQFIYAT KI WAJAH SY RAZAI BAHEN SY SHADI

Question :
Bivi k sath dakhul k baad maloom huwa k yh meri razai bahen hai Qk mai ny is ki bahen k sath doodh piya tha, kia is halat mai yh mujh per haram hai?
Answer :
Haan, agar sorat haal issi tahran hai jis tarhan app ny biyan ki hai k app ny apni is bivi ki bahen k sath mil ker iski maa ka doodh piya hai, yani app ny bivi ki maa ka ya bivi ki soteli maa ka doodh piya hai to is halat mai ap is k bhai huway, lehaza yh nikkah batil huwa lekin zarori hai k app yh baat jaan len raza'at issi wqt asar andaz hoti hai jab yh 5 ya is sy ziada raza'at per mushtamil hu aur doodh chorany ki umer sy pehly' yani 2 saal k ander ander hu aur agar raza'at is sy kam hu to is ka asar nahi hota aur na is sy hurmet sabit hoti hai.
Agar app ko yaqeen hu k app ny apni is bivi ki maa ka 5 raza'at ya is sy ziada mertaba doodh piya hai aur 2 saal ki umer k ander piya hai to phir app donu k dermiyan alaihdgi zarori hai Qk yh nikkah sahi nahi hai. raza'at ka ilm hony sy pehly is shadi k natejey mai jo olaad paida huwi, woh sharan aap hi ki taraf mansob hogi Qk yh olaad shubah mai wati sy paida huwi hai aur shubah mai wati k natejy mai jo olaad paida hu to is k sath nasb ko mila dia jata hai, jaisa k Ahl-e-ilm ny farmaya hai. (shiekh ebn esimeen