NAMAZ KE BAAD MASNOON AZKAAR (DUA)

Bismillahirrahmanirraheem

1. Ibne Abbas Razi Allahu Anhu riwayat karte hai k Rasulullah Sallallahu Alaihi Wa Sallam ki namaz ka khatam hona takbeer (Allahu Akbar ki awaaz) se pehchan leta tha. (Bukhari Kitabul Azaan Hadees no. 841, Muslim Kitabul Masajid Hadees no. 583)

yani Nabi Rehmat Sallallahu Alaihi Wa Sallam farz namaz ka salam pher kar unchi awaaz se Allahu Akbar kehte they is se sabit hua k imam aur muqtadiyo ko namaz se farig hote hi ek baad buland awaaz se (Allahu Akbar) kehna chahiye.

2. Sobaan Razi Allahu Anhu riwayat karte hai k Nabi Kareem Sallallahu Alaihi Wa Sallam jab apni namaz khatam karte to farmate: "ASTAGHFIRULLAH, ASTAGHFIRULLAH, ASTAGHFIRULLAH" Tarjuma: "Mai Allah se (gunaho ki) bakhshish chahta hu" (Teen Martaba).

"ALLAHUMMA ANTAS SALAAMU WA MINKAS SALAAMU TABARAKTA YA ZALJALALI WAL IKRAAM". Tarjuma: "Ya Allah tu hi salamati wala hai aur teri hi taraf se salamati hai ae buzurgi aur izzat wale tu bada hi babarkat hai"(Muslim Kitabul Masajid Hadees no. 591)

3. M'aaz Bin Jabal Razi Allahu Anhu kehte hai k Rasulullah Sallallahu Alaihi Wa Sallam ne mera hath pakad kar farmaya: Ae m'aaz! Allah ki kasam mai tujhse muhabbat karta hu mai tujhe wasiyat karta hu k har (farz) namaz k baad ye (zikr) padhna na chodna: "ALLAHUMMA INNI ALA ZIKRIKA WA SHUKRIKA WA HUSNI IBADATIK" Tarjuma: "Ae mere rab! zikr karne, shukr karne aur acchi ibadat karne mai meri madad kar". (Abu Daud Kitabul Witr Hadees No. 1522, ise Imam Hakim 273/1, Imam Zehbi, Imam Ibne Khuzaima, Imam Ibne Habaan aur Imam Noovi ne sahi kaha)

4. Mugira Bin Shaba Razi Allahu Anhu riwayat karte hai k Rasulullah Sallallahu Alaihi Wa Sallam har farz namaz k baad kehte they: "LA ILAHA ILLALLAHU WAHDAHU LA SHARIKA LAHU, LAHUL MULKU WA LAHUL HAMDU WA HUA ALA KULLI SHAI IN KADEER, ALLAHUMMA LA MAANIA LIMA AATAITA WALA MUTIYA LIMA MANAATA WALA YANFA'OU ZAL JADDI MINKAL JADDU". Tarjuma: "Allah ke siwa koi (saccha) mabood nahi hai, wo akela hai uska koi shareek nahi hai, usi k liye baadshahat hai aur usi k liye sari tareef hai, aur wo har cheez par kadir hai. Ya Allah! teri ata ko koi rokne wala nahi aur teri roki hui chiz ko koi ata karne wala nahi aur dolatmand ko (us ki) dolat tere azaab se nahi bacha sakti". (Bukhari Kitabul Azaan Hadees no. 844, Muslim Kitabul Masajid Hadees no. 593)

5. Abdullah Bin Zubair Razi Allahu Anhu riwayat karte hai k Rasulullah Sallallahu Alaihi Wa Sallam salam pherne k baad padhte they: "LA ILAHA ILLALLAHU WAHDAHU LA SHARIKA LAHU, LAHUL MULKU WA LAHUL HAMDU WA HUA ALA KULLI SHAI IN KADEER, LA HAULA WALA KUWATTA ILL BILLAHI LA ILAHA ILLALLAHU WALA NA'ABUDU ILLA IYYAHU LAHUN NE'EMATU WA LAHULFAZLU WA LAHUSSANA UL HASANU LA ILAHA ILLALLAHU MUKHLISEENA LAHUDDEENA WA LAO KARIHAL KAFIROON" Tarjuma: "Allah k siwa koi (saccha) mabood nahi wo akela hai uska koi shareek nahi usi k liye baadshahat hai aur usi k liye saari tareef hai aur wo har cheez par kadir hai gunaho se rokna aur ibadat par kudrat pana sirf Allah ki tofeeq se hai Allah k siwa koi (saccha) mabood nahi aur hum (sirf) usi ki ibadat karte hai har ne'emat ka malik wahi hai aur sara fazal usi ki malkiyat se (yani fazal aur ne'emate sirf usi ki taraf se hai) usi k liye acchi tareef hai Allah k siwa koi mabood (haqeeqi) nahi hum (sirf) usi ki ibadat karte hai agarche kafir bura maney". (Muslim Kitabul Masajid Hadees No. 594)

6. Rasulullah Sallallahu Alaihi Wa Sallam namaz k baad in kalmaat ko padhte they: "ALLAHUMMA INNI AOZUBIKA MINAL JUBNI WA AOZUBIKA MINAL BUKHLI WA AOZUBIKA MIN AN URADDA ILA ARZALIL UMURI WA AOZUBIKA MIN FITNATID DUNYA WA AZABIL QABR" Tarjuma: "Ae Allah! mai buzdili aur kanjusi se teri panah chahta hu aur is baat se bhi teri panah chahta hu k mujhe razeel umar ki tarah pher diya jaye aur mai dunyawi fitno aur azab e qabr se bhi teri panah chahta hu". (Bukhari Kitabul Jihaad Hadees No. 2822)

7. Abu Huraira Razi Allahu Anhu kehte hai k Rasulullah Sallallahu Alaihi Wa Sallam ne farmaya: uske tamaam gunah maaf kar diye jayenge khawah samundar k jhaag k baraba