MAA KA 3 AUR BAAP KA 1 HAQ HAI

MAA K 3 AUR BAAP KA 1 HAQ HAI

Question :
Allah Ta'ala ny maa ko baap per Q terjeeh di hai k RAsool Allah (S.A.W) ny maa k 3 aur baap ka aik haq qarar dia hai?
Answer :
Hazrat Abu Hureraah R.A. sy marvi sahi hadis mai hai k aik shakhs ny Rasool Allah ki khidmat mai hazir hu ker arz kia:

"Mery hussan suhbet ka sab sy ziadah haqdar kon hai? App (S.A.W) ny farmaya: Teri Maa, us ny ar kia: phir kon? App (S.A.W) ny farmaya: Teri maa, us ny arz kai: phir Kon? App (S.A.W) ny farmaya: teri maa, is ny arz kia: phir kon? App (S.A.W) ny farmaya: Tera Baap."
sahi albukhari' hadis: 5971' wa sahi muslim' hadis: 2548' wallaf laahu.
Aik aru ravayat mai hai k App (S.A.W) ny farmaya:

"Teri maa, phir Teri maa, phir Teri maa, phir Tera Baap, phir jo shakhs tujh sy jis qadar ziadah qareb hai (woh issi qader ziadah mustahiq hai.)"
sahi muslim' hadis: (2)- 2548.
Es hadis sy maloom huwa k maa ka haq baap sy barh ker hai k App (S.A.W) ny maa k haq ko 3 baar qarar dia is ka sabab yh hai k maa ny hamal, wazeh hamal, doodh pilany, doodh chorany aur perwarish-o-terbiyat k silsaly mai bohat sy soubato aur mashqo ko berdasth kia hota hai.
Jaisa k Irshad bari Ta'ala ka tarjuna hai: " aur hum ny insan ko is k waldain k sath hussan salook kerna ka hukam dia, is ki maa ny issy takleef sy pait mai uthaye rakha aur takleef sy jana aur is ka hamal aur doodh chorana donu 30 maah (ki mudat) hai." [Al ehkaaf 46:15.]
aur baap ny jo nafqa aur ta'aleem-o-terbiyat k faraiz sar anjam diye, inki wajah sy iska aik haq mana gaya hai. Wallah A'alim. (shiekh ebn jabreen)