MURDON KA WASEELA JAYEZ YA NAJAYEZ

MURDON KA WASEELA JAYEZ YA NAJAYEZ

Continues

“Quraan aur Hadees” ki dalil se ye baat sabit ho rahi hai ke Quraan-Majid jo Qurb(yani wasila) talaash karne ka hukum deta hai wo“Emaan aur Neek” aamal ka wasila hai, jo qayamat ke roz “Rasool-Ikraam{sall’Allaahu ta’aalaa alaihi wa’sallam}” si sifaat aur bila-aakhir nijat ka zarya banega.

Allah-Taala ne apne momin bando ko ye hukum diya ke wo iske taqwa ko ikhtiyaar kare, Taqwa ko jab Etaat-E-Elaahi ke sath mila liya jaye to phir iska matlab ye hota hai ke in tamaam kamo ko nahi kiya jaye jinse Allah-Taala ne manaa kiya aur jinhe isne haraam qarar diya hai aur uske baad farmaya:-

(wabtagooo’ilayhil-waseelata

aur iske “Qurb(yani wasila)” talaash karte raho-

Surah-Tul-Mayedah ki Aayat-no—35 ki puri tafsir ke liye dekhe

(Tafseer-ibne-kaseer)

Wasila ka Matlab(meaning) kya hota hai.?

Imaam-Sufyaan-Sori(r.a) farmate hain ke mujhe mere walid(father) ne, unhone Talhah(r.a) se, unhone Ataa(r.a) se rawayat biyaan ki hai ke Wasila ke matlab “Qurbat” hai.

(Tabsir-Tibriyai: 308/6)

Mojahid, Abu-Wail, Hazrat-Hussan, Abdullah-Bin-Kaseer, Imam-Siddi, Ibne-Zayed aur kai “Aaimah-e-Tafseer” ka bhi yahi qauool hai ke wasila ke matlab hi “Qurbat” hain, yani Allah-Taala ki Etaat aur iski pasandidah aamalon ke zarya se “Qurb(yani wasila)” hansil karna.

(Tafsir-Tibriyai: 308,309/6)

Hafiz-Ibne-Kaseer(r.a) farmate hain:- In “Aaimah-e-Tafseer” ne jo kuch kaha hai iske bare me Mofasareen ke darmiyaan koi ikhtilaaf nahi hai, “Qurb(yani wasila)” aise hi chiz ko kahte hain jiske zarya se Maqsood tak pahun sake,

(Tahseel-e-Maqsood, Tafseer-Surah-Tul-Mayedah, Jilad-no---03, Safa-no---97* )

Imaam-Qataadah farmate hain “Qurb(yani wasila)” ke maane(yani meaning) ye hain ke Allah-Taala ki Etaat baja kar aur Allah-Taala ke khushnodi ke aamal ko sar-anjaam de kar iska “Qurb (yani wasila)” hansil karo.

(Tafseer-Tibriyai: 309/6)

Ibne-Zayed ne iski tayed me is Aayat-e-karima ko padha:

Tarjoma:-Ye log jinko Allah ke siwa pukarte hain, wo khud apne Parwardigar ke yahan zarya(Qurb) talaash karte rahte hain….

(Surah-tul-baniisrail, aayat-no---57)

( *Tafseer-Tibriyai: 309/6*)

Zahir baat hai ke Allah ka “Qurb” hansil karne ka wahid zarya “Amaal-e-Saalah” hai, isliye “Amaal-e-Saalah” hi Allah tak pahunchne ka wasila hain, naa ke wo jise “Qabar-Parast” biyaan karte hain ke Faut-Shodah(yani death kiye hue) logon ke naam ki “NAZRO-NYAAZ” do inke Qabar par gilaaf(yani chadar) chadao aur mela-thela jamao aurinse Dua karo….kyon ke ye “Qurb(yani wasila)” nahi inki ibaadat hai jo Shirk hai,

Allah-Taala har musalman ko isse mahfooz rakhe….Aamin ya Rabul-Aalamin.

WASEELE KA MATLAB AUR-E-WASEELA

WASEELE KA MATLAB AUR DUA-E-WASEELA

Bismillahirrahmanirraheem

Wasila ke matlab aisi chiz ke hain jo kisi maqsood ke hansil karne ya iska “Qurb” ka zarya ho-

“ Allah-Taala ki taraf Wasila talaash karo”

ka matlab hoga aise Aamal ikhtiyaar karo jis se tumhe Allah ki raza aur iski “Qurb” hansil ho jaye,

Imaam-Shokani(r.a) farmate hain-Wasila jo Qurbat ka maane(yani meaning) hai, Taqwa aur hansil kiye hue Aamal khair par sadiq aata hai,jin ke zarye se bande apne Rab ka “Qurb(yani wasila)” hansil karta hai,

issi tarah jin chizon se roka gaya ho in kaamo se bachne se bhi Allah ka “Qurab” hansil hota hai,isliye jin chizon se roka gaya ho isse na karna bhi “Qurb-e-Elaahi” ka wasila hai,

lekin Jahilon ne is haqiqi Wasile ko chod kar Qabar me madfun(yani dafan kiye hue) logon ko apna “Wasila” samjh liya hai, jis ki sharyat me koi bunyaad nahi hai, Balke “Hadees” me is “Moqaam-e-mahmood” ko bhi wasila kaha gaya hai jo akhirat me “Nabi{sall’Allaahu ta’aalaa alaihi wa’sallam}” ko aata farmaya jayega, issi liye “Aap{sall’Allaahu ta’aalaa alaihi wa’sallam}” ne farmaya:- jo Aazan ke baad mere liye ye “Dua-e-wasila” karega wo meri shifaat ka mustahiq hoga, “Dua-e-wasila” jo Aazan ke baad padhna masnun hai.

(Ahsanul-Biyaan, Page-no—302)

Sahih-Muslim me Hazrat-Abdullah-Bin-Ummar-Bin-Aas(r.t.a) ki riyawat hai ke unhone

“Nabi-Karim{sall’Allaahu ta’aalaa alaihi wa’sallam}” ko ye irshad farmate hue suna ke:- Jab tum “Muzzin” ko Aazan dete sono to issi tarah se kaho jis tarah wo kahta hai, phir mujh par darood bhejo jisne mujh par ek bar darood padha Allah-Taala is par “10” bar rahmat nazil farmaye ga, phir mere liye” Wasile” ki dua karo, “Wasila” Jannat ka wa Aazim-o-shaan muqaam hai,jo “Bandagan-e-Elaahi” me se sirf ek hi ko nasib hoga aur mujhe umeed haike wo banda main hunga, lihaza jisne mere liye “Wasile” ki dua ki to iske liye meri Sifaat wajib ho jayegi.

(Sahih-Muslim, Hadees-no---384)

Wasila jannat ke sabse Buland-wa-Bala aur Arfaa-wa-Aala darje ka naam bhi hai, aur jo “Rasool-Allah{sall’Allaahu ta’aalaa alaihi wa’sallam}” ka darjah aur “Aap{sall’Allaahu ta’aalaa alaihi wa’sallam}” ka jannat me ghar hoga aur jannat ka ye muqaam Allah-Taala ke Aarsh ke sabse qareeb hoga…Sahih-Bukhari me Hazrat-Jabir-Bin-Abdullah(r.t.a) ki riwayat hai ke “Rasool-Allah{sall’Allaahu ta’aalaa alaihi wa’sallam}” ne farmaya:- jo shaks Aazan soon kar ye dua padhe……..Tarjuma:- [ Aye Allah!Jo tu is puri puri Dawat-e-Tauheed aurqaayam hone wali Namaaz ka maalik hai, “Hazrat-Mohammad{sall’Allaahu ta’aalaa alaihi wa’sallam}” ko Wasila aur Fazilat aata farma aur Aapkois Qabil-e-Tauheed muqaam(shifaat) tak pahuncha jiska tune inse waada farma rakha hai,] iske liye Qayamat ke din meri Shifaat wajib ho jayegi.( *Sahih-Bukhari, Kitabul-aazan, Hadees-no---614*/*Sanan-Nisai, Kitabul-Aazan, Hadees-no---681*)

Surah-Tul-Mayedah ki Aayat-no 35 ki puri tafsir ke liye dekhe.

( Tafsir-ibn-Kathir, Surah-Al-Mayedah, Aayat-no,35 , Page-no. 333,335)

this post is compiled by MO. SHAHID....

WASEELA

WASEELA

AS SALAM O ALLAIKUM WR WB

Abdullah-Bin-Umar{Ra} se rawayat hai, Rasool-Allah{s} ne farmaya:- Teen(3) Aadmi ja rahe the, itne me barish hone lagi to wo pahad me ek GAAR tha isme ghoos gaye, Pahad par se ek pather gira aur GAAR ke monh par aagaya aur monh band ho gaya, Ek ne dosre se kaha:- apne apne neak Aamaal ka khayal karo jo ALLAH ke liye ho aur DUA maango in Aamaal ke WASILE se shayed Allah-Taala is pather ko khool de tumhare liye,To inme se Ek ne kaha:- Mere MAA-BAAP budhe zayef the aur meri Biwi(wife) aur mere chote chote ladke the, ke main inke waste Bhed, Bakriyan charaya karta tha, to inka Dodh(milk) duhta tha aur sabse pahele apne MAA_BAAP se suru karta tha, to inko apne ladko se pahele pilata tha, albatta ek din mujhko bakriyon ka chara bahut door mila so main ghar na aaya yahan tak ke mujhko aane me shaam ho gai to maine apne MAA-BAAP ko sota hua paya, phir maine doodh(milk) duha jis tarah duha karta tha, phir main doodh(milk) laya aur apne MAA-BAAP ke sar ke pass khada hua, mujhko bura laga ke main inko neend se jagaon aur bura laga ke inse pahele ladko ko pilaon aur ladke bhook ke mare shoor kar rahe the mere dono pairo(legs) ke pass, so issi tarah barabar mera aur inka haal raha subah tak(yani main apne MAA-BAAP ke intejar me doodh liye raat bhar khada raha) aur ladke rote chillate rahe, na maine piya aur na ladko ko pilaya, so Elaahi agar tu janta hai ke aisi Mahnat aur Moshaqat teri razamandi waste maine ki thi to is pather se ek rozan khool de jisse hum aasmaan ko dekhe to Allah-Taala ne isme ek Rozan khool diya aur unhone isme se Aasmaan ko dekha,

Dosre ne kaha:- Elaahi majra ye hai ke mere chacha(yani uncle) ki ek Beti thi, jis se main mohabbat karta tha jis tarah Mard-Aurat karte hain(yani main iska kamaal Ashiq tha) so iski taraf mayel ho kar maine iski zaat ko chaha(yani haraamkhori ka irada kiya) isne na mana aur kaha jab tak 100 Ashrafiya na dega main razi na hungi, maine kosis ki aur 100 Ashrafiya kama kar iske pass laya, Jab main ne iski taang uthai( yani jamaa ke irade se) isne kaha:- Aye Allah ke bande! dar ALLAH se aur mat tood mahar ko magar haq se(yani begair Nikah ke bakarat mat zayel kar) to main uth khada hua iske upper se - Elaahi agar tu janta hai ke ye kaam maine teri razamandi ke liye kiya to ek Rozan aur khool de hamare liye, Allah-Taala ne aur ek Rozan khool diya yani wo Rozan bada ho gaya,

Teesre ne kaha:- Elaahi maine ek saks se mazdoori li, ek Farq chawal par(yani wo bartan jisme 16 ratal aanaj aata hai) jab wo kaam kar chuka isne kaha: mera haq de maine ek Farq bhar chawal iske samne rakhi, isne na liya phir maine in chawalon ko bota raha, isme barkat hui yahan tak ke maine is maal se Gaaye aur Bael(cow & bull) aur inke charane wale gulaam ikhatta kiya, phir wo majdoor mere pass aaya aur kahne laga: Allah se dar aur mera haq mat maar, maine kaha ja aur Gaaye Bael(Cow-Bull) aur iske charane wale sab tu lele---wo bola: Allah Jabbar se dar aur mujhse mazak mat kar, maine kaha main mazak nahi karta, wo Gaaye Bael(Cow-Bull) aur charane wale ko tu lele isne le liya, phir agar tu janta hai ke maine teri razamandi ke liye kiya to jitna baqi hai Rozan wo bhi khool de, Allah-Taala ne isko bhi khool diya aur wo log GAAR se bahar nikal gaye.( *Sahih-Muslim, Hadees-no---6939* / *Sahih-Bukhari, Hadees-no---2333,2215*

Tashrih:- IS hadees se jo baat samne aati hai wo ye hai,

(1) => Sakht mosibat me aur nehayat pareshani me jiski koi tabdir na ho sake to apne khalis Aamaal ko WASILA bana kar Allah se DUA kare Allah isko nijad de.

(2) => MAA-BAAP ka haq apni jaan aur biwi, ladko ke haq me muqaddam hai aur neakiyon me dakhil hai.

(3) => Qadir ho kar gunnah se bachna aur sirf Allah ke Dar-wa-Khauf se shawat ko dabana aur khawash-e-nafs ko mitana bede kamala ki baat hai, aur Allah ko nihayat pasand hai.

(4) => Haq walon ka haq adda karna Raza-e-Elaahi ka umdaa wasila hai.

(5) => Maalik ke ijazat ke bina koi aanaj bo de to iska hasilaat ka maalik asal maalik hi hoga

***1=> allah ke 99 naam hai uske naam ka waseela laga kar usse maango

2=> aap main se jo zinda neak log hain unke paas jaake unse kaho ki mere liye dua karen zinda ka hukum hai murdon ka nahi

3 => apne koi neak aamal ka waseela lagao......jaise ke deen main jo tumne paisa kharach kiya hai ya aur koi nek amal

Note:-Aur Murdon ka wasila Quraan aur Hadees se kahin bhi sabit nahi hai, agar hai to iski Sahih-Dalil de hum manne ke liye taiyar hain

Hz umar bin khattab (ra) se riwayat hai jab jab log kahat(drought) me mubtala ho jaate they, to hz abbas bin abdul muttalib ke tufail se baarish talab karte they aur kahte they, " aiy illahi! Ham tere paas apne nabi ka wasila laate they, to tu hamen baarish deta tha, ab tere paas apne nabi ke chacha(uncle) ka waseela laate hain, ham ko baarish ata farma, logon ke liye baarish ho jaati thi"

(sahih bukhari v2 book 17 hadith no 123)

JHOOTH BOLNE KE LIYE AQAL KA HONA ZAROORI NAHI

Bismillahirrahmanirrahem

JHOOT BOLNE KE LIYE AQAL KA HONA ZAROORI NAHI :

Apni baat shuru karne se pahle main ye baat batata chalun ke RAFULYADIN kya hai, kyon kuch muqallideen ko iske baare me malum hi nahi....

Abdullah bin umar r.a. Shuru Namaz me, rukoo se pahle rukoo ke baad aur do rekaate perh ker khara hote waqt Rafadain kerte the aur fermate the ke Rasulullah sws bhi isi tarah kerte the.

{Bukhari 739}

yani shruru namaz me rukoo se pahle aur rukoo ke baad haath uthane ko rafulyadain kahte hain...

Ab main mauzu par aata hun.

Kuch jaamid muqallideen yah daleel dete hain ki murti parast(idol worshipper) aasteeno aur bagalon me but(idol) rakhkar laate they, buton ko giraane ke liye rafayadain kiya gaya, baad me chhod diya gaya, lekin hadith ki kitabon me iska kahin koi saboot nahi hai, albatta yah daleel jaahil muqallidon ki zabaano par ghoomta rahta hai...........

Neeche likhe gaye umoor se is daleel ki kamzori wajeh hoti hai:

1- makkah me but(idol) they magar jamaat farz nahi thi, madina me jamaat farz hui magar but nahi they, phir but parast madina me kin buton(idols) ko bagalon me dabaaye masjidon me chale aate they???

2- hairat hai ki jaahil muqallid is gapp ko sahi maante hain aur iske saath saath nabi(sws) ko ilm e gaib waale bhi maante hain, jabki aap ilm e gaib rakhne waale hote to rafayadain karwaane ke bina bhi jaan sakte they ki falan falan shakhs masjid me but(idol) le aaya hai..

3- but(idol) ki giraane they to yah, takbeer e tahrima kahte waqt jo rafulyadain ki jaati hai aur usi tarah ruku aur sajde ke dauran bhi gir sakte they, iske liye alag se rafulyadain ki sunnat jaari karne ki koi zarurat nahi thi....

4- but parast bhi kitne jaahil they ki but jebon me bhar ke laane ke bajaaye unhe bagalon me daba laaye??

5- beshak hi jaahil log aur unke peshwa(imam,peer,murshid) yah bataane me nakaam hain kh unke farman ke mutabik agar rafulyadain ke dauraan but parast ki bagalon se but(idol) gire they to phir aapne unhe kya saza di thi??

Asal yah kahani sirf muqallidon ka gada huwa afsaana hai, jiska haqiqat ke saath zara sa bhi talluq nahi hai.........

RAFULYDAIN PROOF FROM SAHIH HADITH

RAFULYADAIN PROOF FROM SAHIH HADITH

Bismillahirrahmanir raheem

Rafulyadain proof from Sahih hadith

Abdullah bin zubair r.a. Farmate hai:- Maine Abu Bakr R.a. ke pichhe Namaz perhi wo namaz ke shuru me aur rukoo se pahle aur rukoo se jab sar uthhate the to apne dono hath uthhate the aur kahte the Rasulullah sws bhi Namaz ke shuru me aur rukoo se pahle aur rukoo se sar uthhane ke baad rafadain kerte the.

{Bahqee 2 /73 }

Hajrat Umar Farooq r.a.:--

Umar Farooq r.a. ne ek martaba Logo ko namaz ka tareeka bataaane ka iraada kia to Qibl-e- rukh ho ker khare ho gaye aur dono hatho ko kandho tak uthhaya Fir “ Allah Akber “ kaha fir rukoo kia aur isi tarah kiya aur rukoo se sar uthha ker bhi Rafa dain kia.

{Bahqee 1 / 415 , 416 }

Hajrat Ali r.a.:- Saydena Ali r,.a, Fermate hai Rasululah sws Namaz ke shuru me , rukoo me jaane se Pahle aur Rukoo se sar uthhane ke baad aur do Rekaate perh ker khare hote waqt Rafa dain kerte the.

{ Abu Dawood 744 , } {Ibne Maza 864 } {Imam tirmizi ne sahi kaha 3423 }

Abdullah bin Umar r.a.

:- Abdullah bin umar r.a. Fermate hai Rasulullah sws shuru Namaz me, Rukoo se pahle aur rukoo ke baad apne dono hath kandho tak uthaya kerte the aur sazda me aisa nahi kerte the.

{ Bukhari : 735 , } {Muslim, 39 0 }

Abdullah bin umar r.a. Shuru Namaz me, rukoo se pahle rukoo ke baad aur do rekaate perh ker khara hote waqt Rafadain kerte the aur fermate the ke Rasulullah sws bhi isi tarah kerte the.

{ Bukhari 739 }

Imam Bukhari ke rahmatulla h ke ustaad Ali bin Madni Rahmtulah Fermate hai ke Hadith Ibne Umar r.a. ke bina per Musalmaano pe Rafadain kerna zuroori hai.

{Altalkhee sul zabeer 1 /218 }

Malik bin huwairas r.a. Shuru Namaz me Rafadain kerte fir jab rukoo kerte to rafadain kerte. Aur jab rukoo se sar uthhate to rafadain kerte aur ye fermate the ke Rasulullah sws bhi isi tarah kia kerte the.

{ Bukhari: 738 } { Muslim: 391 }

hz Waail bin Hazar R.a. Fermaate hai : Maine Nabi Akram sws ko dekha jab aap namaz shuru kerte to “ Allah Akbar” kahte aur apne dono haath uthhate, fir apna haath kapre me dhaank lete fir daya haath baye per rakhte. Jab rukoo kerne lagte to kapro se haath nikal lete “ Allah Akber “ kahte aur Rafadain kerte , jab rukoo se uthhte to “ Sameallah huleman Hameeda “ Kahte aur Rafadain kerte.

{ Muslim 401 }

Wail bin hajar r.a. 9 Hijri 10 hijri me Rasullulah sws ke paas aaye. Lehaza ssabit hua ke Rasulullah sws 10 Hijri tak Rafadain kerte the , 11 Hijri me Nabi Rahmat sws ne Wafaat paayi.

Abu Hameed Sa-sadi r.a. ne 10 Sahaba Ekraam r.a. ke ek majme me beyan kia ke : Rasulullah sws jab Namaz shuru kerte aur jab rukoo me jaate, Jab rukoo se sar uthhate aur jab 2 rekaate perh ker khare hote to Rafadain kerte the . Tamaam sahabi ne kaha tum sach beyaan kerte ho , Rasulullah sws isi tarah namaz perhte the.

{ Abu Dawood 730 } { Tirmizi 304 , Imam Tirmizi ne hasann sahi kaha hai} { Ibne- habban 5 /182 }

Imam Ibne Khazeema Rahmtullah is Hadith ko riwayat kerne ke baad Fermate hai ke maine Muhammad bin Yahyaa ko ye kahte hue suna ke jo shaksh hadith Abu hameed sun ne ke bawajud Rukoo me jaate aur us se sar uthhate waqt Rafadain nahi kerta to uski Namaz Naaqis hogi.

{ Sahi Ibne Khazeema 1 /298 , 588 }

Hajrat Abu Moosa Ashaari r.a. ne Fermaya , Kya Mai tumhe Rasulullah sws ki Namaz na batau ? Ye kah ker unhone Namaz perhi Jab Takbeere Tahreema kahi to Rafadain kia, Fir jab rukoo kia to Rafadain kia aur Takbeer kahi aur Rukoo se sar uthaate waqt “ Sameallah huleman Hamida kah kar dono haath uthaye aur fermaya “ Isi tarah kia kero “ .

{ Dar Qatni 1 /292 } { Hafiz Ibne Hazar in Altalkhees 1 /219 }

Abu Hurraiaa R.a.

Abu hurraira r.a. Fermaate hai ke Rasulullah sws shuru Namaz me, Rukoo se pahle aur rukoo ke baad apne dono haath uthhaya karte the.

{Ibne Maza 860 } { Ibne Khazeema 1 /344 by Hadith 694 sahi kaha hai.}

Hajrat Jabir bin Abdullah r.a. Jab Namaz shuru kerte , Jab rukoo kerte aur jab rukoo se sar uthhate to Rafadain kerte aur fermaate the ke Rasulullah sws bhi isi tarah karte the.

{ Masnadul Siraj , Ibne Maja 868 , Imam ibne hajar ne sahi kha ahi }

AIY ALLAH HAM SAB BHAIYYON KO RAFULYADAIN KARNE KI TAUFEEQ DE..... AMEEN SUMMA AMEEN

RAFULYDAIN NA KARNE KI DALEELEN AUR UNKA JAAYEZA

RAFULYADAIN NA KARNE KI DALEELEN AUR UNKA JAAYEZA

AS SALAM O ALLAIKUM

Rafulyadain na karne ki daleel 1

1-hz jabir bin samurra bayan karte hain!"nabi ne farmaya" kya baat hai mai tumko aise hath udhate dekhta hoon mano ki wah sharkash ghodon ki dume hain! Namaaz me sukoon akhtiya kro.

Muslim 430

tafsir: is hadith me us mukaam ka zikr nahi jis par sahaba hath utha rahe they aur nabi(SAW) ne unhe mana farmaya. Jabir bin samurra hi se sahih muslim me isi hadith se mili huyi do aur riwayat hain jo baat saaf kar rahi hain

2- hz jabir bin samurra farmate hain: nabi(SAW) ke sath jab hum namaaz padhte to to namaaz ke khaatme khatme par daay baay( left,right)" as salam o allaikum wa rahmatullahi" kahte hue hath se ishara bhi karte yeh dekhkar aapne farmaya" tum apne hath se is tarah ishara karte ho jaise jism ghode(horse) ki dum hilti hain, tumhe yahi kaafi hai ki tum kayda me apni raanon me hath rakhe hue daay baay(left right) muh modkar" as salamu allaikum wa rahmatullahi" kaho...

Muslim 431

imam nawawi (rh) al majmua me farmate hain: jabir bin samurra ki is riwayat se rukoo me jaate aur udhte waqt raf'yadain na karne ki daleel lena ajeeb baat hai aur jihalat hai.....imam bukhari bhi yahi farmate hai...

Hz abdullah bin masud (RA) Farmate hain" kya main tumhe nabi(SAW) ki namaaz bataun? Fir unhone namaaz padhi aur na hath uthaye magar pahli baar.

Abu dawood,748
tirmizi,257

tafsir: imam abu dawood is hadith ke baare farmaten hai

"LAISA HUWA BI SA HEEH ALA HAAZAL LAFZI"

ye hadith in lafzon ke sath sahih nahi hai.
Abu dawood, hawala mazkoor.

Aur farmaate hai" abdullah bin masud(ra) ke rafyadain ke chhodne ke hadith saabit nahi.

Tirmizi, hawala mazkoor hadith 255

imam ibne hibban (rh) ne toh yahan tak kah diya hai ki isme bahut si uljhane hain. Jo ise baatil bana rahin hai. (maslan isme sufiyaan suri mudallis hain aur ann se riwayat hai. Mudallis ki ann wali riwayat daef hoti hain....

Hz baraa (ra) kahte hain ki maine rasoollullah ko dekha "aap jab namaaz shruru karte to dono hath
kaano tak uthate "SUMMA-LA-YAUDU" fir na uthate...

Abu dawood 749

tafsir: imam nawawi(rh) farmate hain ki ye hadith daef hai ise sufiyan bin ina, imam shafai, imam bukhari ke ustad imam hamidi aur imam ahmad bin hambal jaise aimma hadith rahimahullah ne daef karaar diya. Kyonki yazeed bin abi ziyaad pahle "la ya-udd" nahi kahta tha, ahle koofa ke padhne par usne ye lafz bada diye. Iske elawa yazid bin abi ziyaad daef aur shia tha. Aakhiri umar me hafiza kharaab ho gaya tha(takrib) aur mudallis tha.....

Ye bhi daleel di jaati hai ki ibne zubair (ra) kahte hain:" rasoollullah (SAW) ne rafyadain kiya tha aur baad me chhod diya"

nasburraya 1/404

isi tarah is silsile me ek aur riwayat bhi pesh ki jaati hai ki.

Hz abdullah bin masud(rh) ne farmaya: maine rasoollullah (SAW) , hz abu bakr,aur hz umar ke saath namaaz padhi ye log shuru namaaz ke elawa hath nahi uthate they".

Imam bayhqi (2/79-80) aur dare qutni likhte hain ki iska raawi muhammad bin jaabir daef hai. Balki kuch ulma( ibne jawji, ibn taymiyya etc) ne ise mawdoo kaha hai. Balki yah riwayat ibne masud (ra) ki bayan ki hui nahi hain. Balki kisi ne apne se bana li hain. Aur unki taraf se bayan kiya hai