LALKAAR-E-AHLE HADITH (ALLAMA EHSAN ILAHI ZAHEER RH.)

Bismillahirrahmanirraheem

MASLAK-E-AHLE HADITH/SALAFI

Duniya me agar koi saaf suthra(neat and clean), koi maslak hai, jis tarah ka maslak 1400 saal pahle muhammad arbi sallallaho alaihi wasallan ne apne sahaba ko ataa kiya tha toh wah sirf ahle hadith ka maslak hai, iske elawa duniya ka koi aur maslak nahi,

duniya me sirf ek hamara(ahle hadith) maslak hai jo deen me kisi milaawat ko qubool karne ke liye taiyyar nahi, baaqi har ek ne milaawat ki hai, kisi ne peer ki, kisi ne fakeer ki, kisi ne muhaddis ki, kisi ne faqih ki, kisi ne buzurg ki,

allah ka shukr hai AHLE HADITH ne na milaawat ki hai aur na milawat ko gawaara kiya hai aur na muhammad(sws) ke deen me inshaallah milaawat hone dega

bhaiyyon! Ham na kisi fardh ki taraf dawat dete hain na ki basti(city) ki taraf bulaate hain aur naa hi apne badon(buzurg) ki taraf bulaate hain, ham sirf aur sirf allah aur mustafa sallallaho alaihi wasallam Ki taraf bulaate hain, jin se afzal na koi hai aur na hoga, zaat qibriya apni tawheed me aur hazrat mustafa(sws) apni risaalat me na apna koi shareeq rakhte hain aur naahi in ke maane begair imaan baaqi rahta hai, maslak ahle hadith saaf suthra maslak hai, main challenge karta hun kah hamaare maslak se ek maslah koi ek maslah kitab wa sunnat ke khilaaf dikhaao ham isko fauran chhod dene ke liye taiyyar hain

hamare liye bahut bada araaz hai ke hamari har baat apni nahi hoti balke hamare aqaid aur nazriyaat ka markaz kitab wa sunnat hai,

AHLE HADITH ke elawa duniya me jitne maslak hai ek ek se puchen kah wah jo kuch kahte hain kya wo sab kuch wahi hai jo nabi akram(sws) ne farmaya hai, inme se koi yah daawa nahi kar sakta kah inki har baat kitab wa sunnat ki baat hai,

allah ke quran aur muhammad(sws) ke farman par koi ikhtelaaf nahi, jhagda us waqt paida hota hai jab in farmaan ke elawa teesri baat Saamne aa jaati hai, ham ye barmala kahte hain kah kitab wa sunnat ke saamne kisi aur baat ki koi haisiyat nahi hai

ham agar imam bukhari rh, imam muslim rh aur dusre muhaddith ka zikr karte hain to isliye nahi kah unhone apni taraf se koi baat kahi hai, balki unhone toh muhammad(sws) ke farameen ham tak pahunchaaye hain.

Ham ne bahut se arab mumalik me ya mushaheda kiya hai kah kitab wa sunnat ki jahan roshni pahunchi hai wahan AHLE HADITH maujood hai, isliye kah maslak AHLE HADITH se zyadah saaf, shafaaf, ujla , roshan maslak koi nahi hai

AHLE HADITH KA DAUR

ye sadi AHLE HADITH ki sadi hai yah zamana AHLE HADITH ka zamana hai yah daur AHLE HADITH ka daur hai, isliye ke ab log in gorakh dhandon se tang aa chuke hain, log ab ghabra gaye hai, gair allah ko pooj pooj kar thak gaye hain, inki peshaaniyan khaak aalood ko gayi hain lekin kuch bhi nahi mila aur milega to baargaah-e-illahi se milega,

Sun lo ! AHLE HADITH ka dastoor qur'an hai, AHLE HADITH ka dastoor muhammad(sws) ka farman hai,

aaj zamaana AHLE HADITH ki yalgaar ka muntazar hai, AHLE HADITH ki lalkaar ka muntazar hai, AHLE HADITH ki pukaar ka muntazar hai, utho zamaana tumhaare qadmon ka muntazar hai, tumhari qadmon ki chaaap par isne kaan laga liye hain, utho zamaane ko bata do Qur'an wa sunnat ki fidaayi aa gayi hai, aur is daur me quran wa sunnat ka nizaam aayega, jo iski raah me rukaawat bane ka wah yahan se jaayega.

HAMARI DAAWAT:

barre sagheer(hind wa paak) me hamari tareekh, hamari daawat, aur hamari aawaz koi nayi nahi, ya wahi pukaar hai, ye wahi daawat hai jo apne apne daur me maulana muhammad ismail salfi rh, maulana ibraheem meer
sialkoti rh, maulana sana ullah amritsari rh, khaandaan ghaznawi, khaandaan ropdi, allama raheemabadi, allama saadiqpuri, nazeer hussain muhaddis dehlawi rh, inse peshtar khaandaan shah Waliullah muhaddith dehlawi rh, aur inse bhi peshtar mujaddid alf saani rh, aur deegar allama kiraam logon ke saamne pesh karte rahe, ham ne yah daawat isliye qubool na ki kah yah allama kiram ki daawat thi balke ham ne isliye qubool kiya kah ye wahi dawat thi jise imamul kaaynaat (sws) ne duniya ke saamne pesh kiya tha, AHLE HADITH ka mauqaf yah tha kah haq baat wahi hai jo kitab wa sunnat ke mutabik ho aur wah rasool(sws) ko hi apna rahbar, murshid, haadi samjhte hain, aur unhi ke farman ko haq wa sadaaqat ka meyaar samjhte hain...

(ALLAMA EHSAN ILAHI ZAHEER SHAHEED RH )

" zamana bade shauq se sun raha tha

tumhi so gaye daastaan kahte kahte "

AETAKAAF K MASA'IL

Bismillahirrahmanirraheem

AETAKAAM SUNNAT E MOKKADA KIFAYA HAI AUR USKI MUDDAT 10 YAUM HAI
HAR MUSALMAN KO RAMAZAANUL MUBARAK MEIN KAM AZ KAM EK MARTABA QURAN PAAK KI TIWAYAT KARNI CHAHIYE

Hazrat Abu Hurairah Razi Allahu Anhu farmate hai k Nabi E Akram Sallallahu Alaihi Wa Sallam k saamne har saal (ramazaan mein) ek baar quran padha jata tha, jis saal Aap Sallallahu Alaihi Wa Sallam ne wafaat payi Aap Sallallahu Alaihi Wa Sallam k saamne 2 martaba quran majeed khatam kiya gaya, isi tarah har saal Aap 10 din ka aetakaaf farmate lekin jis saal Aap Sallallahu Alaihi Wa Sallam ne wafaat payi us saal 20 yaum ka aetakaaf farmaya. (Mishkatul Masabeeh Hadees no. 2099)

AETAKAAF K LIYE FAJR KI NAMAZ K BAAD AETAKAAF KI JAGAH BAITHNA MASNOON HAI

Hazrat Ayesha Razi Allahu Anha farmati hai k Rasool Allah Sallallahu Alaihi Wa Sallam jab aetakaaf mein baithne ka irada farmate to fajr ki namaz padh kar matakaf mein dakhil hote. (Sahih Sunan Abu Dawood Hadees no. 2152)

AETAKAAF KARNE WALE KI BEEWI MULAQAAT K LIYE AA SAKTI HAI AUR AETAKAAF KARNE WALA BEEWI KO GHAR TAK CHOODNE K LIYE MASJID SE BAHAR JA SAKTA HAI

Hazarat Safeeya Razi Allahu Anha farmati hai Rasool Allah Sallallahu Alaihi Wa Sallam aetakaaf mein they mein raat ko Nabi E Akram Sallallahu Alaihi Wa Sallam se milne aayi aur baatey karti rahi, wapas jaane k liye uthi to Nabi E Akram Sallallahu Alaihi Wa Sallam mujhe choodne k liye uth kar khade hue. (Muttafakun Alaih, Muntaqal Akbar juz awwal Hadees no. 2280)

MARDO KO AETAKAAF MASJID MEIN HI KARNA CHAHIYE
RAMAZAAN MEIN AETAKAAF K LIYE ROOZA RAKHNA ZAROORI HAI
HAALAT E AETAKAAF MEIN BIMAAR KI IYADAT K LIYE JANA, JANAZEY MEIN SHAREEK HONA, BEEWI SE MUJAMAAT KARNA, BASHRI TAQAZO K BAGAIR AETAKAAF KI JAGAH SE BAHAR JANA MANA HAI

Hazrat Ayesha Razi Allahu Anha farmati hai "Aetakaaf karne wale k liye sunnat ye hai k wo bimar ki iyadat ko na jaye, janazey mein shareek na ho, beewi ko na chooye aur na us se mujamaat kare, aetakaaf ki jagah se aese zaruri kaam (yani qaza e haajat, farz gusal wagairah) k bagair na nikle, jis k bagair chaara hi na ho aetakaaf roozey k saath hi hota hai aur jaama masjid mein hota hai". (Sahih Sunan Abu Dawood Hadees no. 2160)

AURATO KO BHI AETAKAAF KARNA CHAHIYE

Hazrat Ayesha Razi Allah Anha se riwayat hai k Nabi E Akarm Sallallahu Alaihi Wa Sallam ramazaanul mubarak k aakhiri ashrah (21 se 30 ramazaan ul mubarak) tak aetakaaf farmaya karte they yaha tak k Aap Sallallahu Alaihi Wa Sallam ne wafaat payi Aap Sallallahu Alaihi Wa Sallam k baad Aap Sallallahu Alaihi Wa Sallam ki azwaaj e mutahharaat ne aetakaaf kiya. (Mukhtasar Sahih Muslim Hadees no. 633)

AGAR KISI KO AETAKAAF K LIYE 10 DIN MAYASSAR NA AA SAKEY TO JITNE DIN MAYASSAR HO UTINE DINO KA HI AETAKAAF KAR LENA CHAHIYE HATTA K EK RAAT KA AETAKAAF BHI DURUST HAI

Hazrat Abdullah bin Umar Razi Allahu Anhu se riwayat hai k Hazrat Umar Razi Allahu Anhu ne Nabi E Akram Sallallahu Alaihi Wa Sallam se pucha "Mene zamana e jahaliyat mein masjid e haraam mein ek raat ka aetakaaf karne ki nazar maani thi (puri karu ya na karu?) Aap Sallallahu Alaihi Wa Sallam ne farmaya "Apni nazar poori kar". (Bukhari Kitabus Saum Baab Aetakaaf laila)

LAILATUL QADR KI FAZILAT AUR USKE MASA'IL

Bismillahirrahmanirraheem

LAILATUL QADR MEIN IBADAT GUZISHTA GUNAHO KI MAGFIRAT KA ZARIYA HAI

Hazrat Abu Hurairah Razi Allahu Anhu se riwayat hai k Nabi E Akram Sallallahu Alaihi Wa Sallam ne farmaya: "Jisne lailatul qadr mein emaan k saath sawab ki niyat se qayam kiya uske guzishta gunaah maaf kar diye jate hai". (Sahih Bukhari Kitabus Saum Baab Fazala lailatul qadr)

LAILATUL QADR KI SA'AADAT SE MEHROOM REHNE WALA BAHUT HI BAD-NASEEB HAI

Hazrat Anas bin Malik Razi Allahu Anhu se riwayat hai k ramazaan aya, to Rasool Allah Sallallahu Alaihi Wa Sallam ne farmaya: "Ye jo maheena tum par aya hai is mein ek raat aesi hai jo (qadr wa manzilat k aetabaar se) hazaar maheeno se behtar hai jo shaks is (ki sa'aadat hasil karne) se mehroom raha wo har bhalayi se mehroom raha, neez farmaya: "Lailatul qadr ki sa'aadat se sirf bad-naseeb hi mehroom kiya jata hai". (Sahih Sunan Abu Dawood Hadees no. 1333)

LAILATUL QADR, RAMAZAAN K AAKHIR ASHREY KI TAAQ RAATO MEIN TALAAS KARNI CHAIHYE.

Hazrat Ayesha Razi Allahu Anha se riwayat hai k Rasool Allah Sallallahu Alaihi Wa Sallam ne farmaya: "Ramazaan k aakhiri ashrey (10 din) ki taaq raato mein lailatul qadr ki talaash karo". (Bukhari Kitabus Saum)

RAMAZAAN K AAKHIRI ASHREY MEIN BAHUT ZAYADA IBADAT KARNI CHAIYE
RAMAZAAN K AAKHIRI ASHREY MEIN APNE AHL O AYAAL KO IBADAT K LIYE KHASOOSI TARGEEB DILANA MASNOON HAI

Hazrat Ayesha Razi Allahu Anha farmati hai "Ramazaan k aakhiri ashrey mein Nabi E Akram Sallallahu Alaihi Wa Sallam baaqi raato ki nisbat ibadat mein zayda koshish farmate they". (Sahih Sunan Ibne Maja Hadees no. 1429)

Hazrat Ayesha Razi Allahu Anha farmati hai "Jab ramazaan k aakhiri 10 din shuru hote to Rasool Allah Sallallahu Alaihi Wa Sallam (ibadat k liye) kam basta ho jate, raato ko jaagte aur apne ahl o ayaal ko bhi jagatey". (Al loo loo wal Marjaan Hadees no. 730)

AAKHIRI ASHREY KI TAMAAM RAATO MEIN JAAGNE KI FAZILAT NA PAANE WALO K LIYE LAILATUL QADR KA BHAR POOR SAWAB HASIL KARNE K LIYE 2 AHAM AHADEES

Hazrat Abuzar Razi Allahu Anhu kehte hai Rasool Allah Sallallahu Alaihi Wa Sallam ne farmaya: "Jis ne (ramazaan mein) imam k wapas hone tak imam k saath qayam kiya (yaani namaz taraweeh ba'jamaat ada ki) us k liye saari raat qayaam ka sawab likha jayega". (Sahih Sunan Tirmizi Hadees no. 1646)

Hazrat Usman bin Affan Razi Allahu Anhu kehte hai mene Rasool Allah Sallallahu Alaihi Wa Sallam ko farmate hue suna "Jisne isha ki namaz ba'jamaat ada ki usne goya nisf raat qayam kiya aur jine (namaz isha ba'jamaat ada karne k baad) subah ki namaz ba'jamaat ada ki usne gooya saari raat qayam kiya". (Mukhtasar Sahih Muslim Hadees no. 324)

RAMAZAANUL MUBARAK MEIN RASOOL ALLAH SALLALLAHU ALAHIH WA SALLAM KASRAT SE TILAWAT E QURAAN AUR INFAAQ FI SABILILLAH FARMAYA KARTE THEY

Hazrat Abdullah bin Abbas Razi Allahu Anhu farmate hai Rasool Allah Sallallahu Alaihi Wa Sallam loogo k saath bhalayi karne mein bahut sakhi they, lekin ramazaan mein jab Hazrat Jibraeel Alaihis Salaam Aap Sallallahu Alaihi Wa Sallam se milte to Aap Sallallahu Alaihi Wa Sallam aur bhi zayada sakhi ho jate, ramazaan mein Hazrat Jibraeel Alaihis Salaam har raat Aap Sallallahu Alaihi Wa Sallam se mila karte aur Nabi E Akram Sallallahu Alaihi Wa Sallam ramazaan guzarne tak unhey quraan majeed sunate, jab Jibraeel Alaihis Salaam Aap Sallallahu Alaihi Wa Sallam se milte to Aap Sallallahu Alaihi Wa Sallam ki sakhawat taiz hawao se bhi zayada badh jati. (Sahih Bukhari Kitabus Saum)

LAILATUL QADR MEIN YE DUA PADHNI CHAHIYE

Hazrat Ayesha Razi Allahu Anha se riwayat hai mene pucha "Ya Rasool Allah Sallallahu Alaihi Wa Sallam! agar mein shab e qard paalu to kaun si dua padhu?, Nabi E Akram Sallallahu Alaihi Wa Sallam ne farmaya kaho: "ALLAHUMMA INNAKA AFOOWUN TUHIBBUL AFWA FAAFU ANNI" Tarjuma: "Ya Allah! to maaf karne wala hai, maaf karna pasand karta hai lihaza mujhe maaf farma". (Mishkatul Masabeeh Hadees no. 2091)

SADQA E FITR K MASA'IL

Bismillahirrahamanirraheem

SADQA E FITR FARZ HAI
SADQA E FITR KA MAQSAD ROOZEY KI HALAT MEIN SARZAD HONE WALE GUNAHO SE KHUD KO PAAK KARNA HAI
SADQA E FITR NAMAZ E EID SE QABL ADA KARNA CHAHIYE WARNA AAM SADQA SHUMAR HOGA
SADQA E FITR K MUSTAHIQ WAHI LOOG HAI JO ZAKAAT K MUSTAHIQ HAI

Hazrat ibne Abbas Razi Allahu Anhu se riwayat hai k Rasool Allah Sallallahu Alaihi Wa Sallam ne sadqa e fitr, roozey daar ko behudagi aur fahash baato se paak karne k liye neez mohtaajo k khaane ka intazaam karne k liye farz kiya gaya hai jisne namaz e eid se pehle ada kiya uska sadqa fitr ada ho gaya aur jisne namaz eid k baad ada kiya uska sadqa aam sadqa shumaar hoga. (Sahih Sunan ibne Maja Hadees no. 1480)

SADQA E FITR KI MIQDAAR EK SAA'A HAI, JO POONEY TEEN SAIR YA DHAYI KILOGRAM K BARABAR HAI
SADQA E FITR HAR MUSALMAN GULAM HO YA AAZAAD, MARD HO YA AURAT, CHOOTA HO YA BADA, ROOZADAAR HO YA GAIR ROOZADAAR, SAAHIB E NISAAB HO YA NA HO, SAB PAR FARZ HAI

Hazrat ibne Umar Razi Allahu Anhu se riwayat hai k Rasool Allah Sallallahu Alaihi Wa Sallam ne ramazaan ka sadqa e fitr ek saa'a khajoor ya ek saa'a joo, gulaam, aazaad, mard, aurat, chootey, bade har musalman par farz kiya hai. (Sahih Bukhari Kitabuz Zakaat baab sadqatul fitr)

SADQA E FITR GALLA KI SOORAT MEIN DENA AFZAL HAI
GAIHU, CHAWAL, JOO, KHAJOOR, MUNAQQA MEIN SE JO CHEEZ ZAIR E ISTEMAAL HO, WAHI DENI CHAHIYE

Hazrat Abu Saeed Razi Allahu Anhu farmate hai k hum sadqa e fitr ek saa'a galla ya ek saa'a joo ya ek saa'a khajoor ya ek saa'a munaqqa diya karte they. (Al loo loo wal Marjaan Hadees no. 572)

SADQA E FITR ADA KARNE KA WAQT AAKHIR ROOZA IFTAAR KARNE K BAAD SHURU HOTA HAI, LEKIN EID SE EK YA DO DIN PEHLE ADA KIYA JA SAKTA HAI
SADQA E FITR GHAR K SARPARAST KO GHAR K TAMAAM IFRAAD BEEWI, BACCHO AUR MULAZIMO KI TARAF SE ADA KARNA CHAHIYE

Hazrat Nafey Rahimahullah se riwayat hai k ibne Umar Razi Allahu Anhu ghar k choote bade tamaam ifraad ki taraf se sadqa e fitr dete they hatta k mere baito ki taraf se bhi dete they aur ibne Umar Razi Allahu Anhu un loogo ko dete they jo qubool karte aur eid ul fitr se ek ya do din pehle dete they. (Sahih Bukarhi Kitabuz Zakaat)

JO ROZA NAHI RAKHTE UNKA ANJAM KYA HOGA ??

Bismillahirrahmanirraheem

Hazrat abu imama bahili (r.a)kahete hai mai ne rasool (saw) ko farmate huwe suna mai soya huwa tha aur mere pass do admi aye unhone mujhe bazuwon se pakda aur mujhe ek mushkil chadai wale pahad per laiye aur dono ne kaha iss per chadey

mai ne kaha mai nahi chadh sakta unhonne kaha hum aapke liye sahulat paida karege pas mai chadh gaya hatta ke mai pahad ki choti per pohnch gaya jahan mai ne shadid chiq wo pukar ki awazen suni mai ne pucha yeh awazen kaisi hai ??

Unhonne bataya yeh jahannamiyo ki chiq wo pukar hai phir wo mere sath agey bade jahan mai ne kuch log ulte latke huwe dekhe jin ke muh ko chira diya gaya hai jisse khoon bahe raha hai mai ne pucha yeh kaun log ?? hai unhonne jawab diya yeh wo log hai jo roza waqt se phele iftar karliya karte they

(( AL-TARGEEB WAL TARHEEB ALJAK-AL-AWAL 995))

Issi murad wo bhi hai jo roza rakhte hee nahi aur wo bhi hai jo rakh kar thod dete hai aur wo bhi hai jo abhi gurub e aftab hota bhi nahi ke iftar kar lete hai

NEEND SE UTH JANE KE BAAD JAAN BUJH KAR SAHERI TARK NAHI KARNI CHAHIYE

Bismillahirrahmanirraheem

Hazrat anas (r.a) se riwayat hai Rasool allah SALLAHU ALAIWASSALLAM ne farmaya saheri khao kiyunke saheri khane me barkat hai

((AL LULU WAL MARJAN RAQMUL HADEES : 665))

Aj hamare kuch bhai sehri nahi karte shayad is wajah se ke dil nahi karta khana tik nahi hai etc...

yaad rahe sehri me barkat hai thoda hee sahi par khehe zarur aur sehri akhri akhri waqt me karna chahiye kyunki 1 hadees phele guzar chuki ke sehri me dheri karna chahiye